懶得就懶

有時見到大家屋企既餸菜非常豐富, 我都有d慚愧!

一來我地得兩個人食飯,, 唔想煮太多...

二來我日日三餐都要煮,, 實在煮到唔知煮乜好!!

三來,, 一個字"懶", 所以都懶得煮咁多...

所以我都唔知其實大少心入面會唔會覺得我好過份.. 成日都係煮一兩碟餸已而....今餐仲離譜.. 真係好似出面茶餐廳咁!! 一餸, 一湯... 白飯仲要無得任裝~~

懶人之作一 :  節瓜讓瑤柱冬菇肉餅,,,有少少單調.. 加D粉絲係底索汁&增加美感..heeee

懶人之作二 : 煲清保涼排骨湯

That's all!  臨尾仲要食剩兩舊節瓜肉餅...第二日又可以加餸.. haaaaaaaaaa

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

之前有人問我屋企部豆漿機係點樣!! 就係咁... 將D豆放係入面個兜到... 加指定水位, 按一個制即可,, 約十五分鐘後攪掂!!!!!  so easy~

不過我地嫌唔夠滑, 所以會自己再用魚袋隔多次渣,, 之後就超超超超滑啦~~ 一次可以整大約四至六杯!!!!!  好方便..

呢個牌子叫做"迪康" (台灣老牌子喎!!), 係Sogo唔記得幾多樓有真人示範, 約6XX一個! 阿姐仲會送一個我之前post過既微波飯煲做豆腐花.. 再送另一個過濾器係for 整其他芝麻糊呀, 合桃糊等....

其實我係香港見豆漿機種類唔多...大牌子有兩種, 一種係"好姨"威馬牌;另一種係好似義大利牌子, 但要千幾蚊(即時唔洗諗)!!! 好姨個隻都OK..,價錢同我呢個差不多... 但每次只可以整三至四杯.. 太少啦!!!  同埋功能好似無呢個咁好...

有興趣既朋友, 可以自己去銅鑼灣Sogo睇睇... 係賣暖水壺, 廚房用品個層有售!!