人都癲!

尋日接近天光先訓!!  (如果想知原因而你又好得閒先睇啦~~)

原因係隔離屋個"死鬼佬"成日都搵一大班朋友返黎開P... 以前耐唔耐都隱隱約約都聽到笑聲, 音樂聲,, 不過唔算真係好嘈, 所以只好接受!!

尋日就過份到離譜! 因為大少工作關係, 我地已經好遲半夜三點幾先上床訓,, 大少一訓落床已經好快咁"兩腳一伸"..訓到成隻死豬咁~

過左大約十分鐘, 我聽到隔離屋好似啱啱入屋既門聲, 笑聲, 嘈雜聲一大堆!! 心諗.. 唔係掛?? 咁夜仲開P.. 聽日唔洗返工呀?? 個鬼佬之前有個老婆&BB係到一齊住, 老婆係到時, 就無呢D事發生,, 只係偶然聽到BB仔喊!!! 可能老婆同個B返左老家.. 個死鬼佬即時作反... 成日約人返黎開P

尋晚佢地好似失晒控咁,, 係間屋到又叫又笑! 仲好似放左套鼓係屋企咁, 有live Band現在駐唱, 攪到個個鬼咁high,,,係咁狂呼!! 真係一d避忌都無..完全唔覺係半夜時份! 

我半睡半醒既狀態都唔知維持左幾耐??? 後尾真係忍唔住, 起身去廚房望下隔離屋攪乜??  點知就見到好多男男女女入廚房攞酒飲! (放心,, 我屋企熄晒燈, 佢睇我唔到!!)  果然真係開P開得好癲呀~~ 我內心多次祈禱,, 希望佢地既PARTY會盡快結束!!

但等左好耐.. 望下個鐘!! 五點半!!!! 嘩...仲係咁嘈..有冇攪錯呀???  真係好似落左蘭桂芳咁嘈  (我心諗,, 仲乜無人投訴架????  如果有阿拉伯人投訴, 恐嚇力應該強好多!!)

最後我終於忍唔住,, 用intercom打落樓下看更到投訴!!!

我 : 唔該上黎XX樓, 睇下XXX室.. 佢地太嘈啦,, 痴左線咁開party..我成晚訓唔到!! 唔該立即上黎stop佢~~~  好彩看更無耍我... 真係上黎做野!! (我聽到佢按隔離屋門鐘, 但佢地太high...聽唔到!)

最後看更落樓下用intercom打去隔離屋.. 終於有個人聽電話,, 之後真係有明顯細晒聲...感覺佢地突然間好無癮咁!! 但真係無辦法.. 我都唔想阻你地尋開心.. 但你地實在太過份啦!!

不過好境不常... 過左二十分鐘後,, 態度依舊!!! OH~~~ 我真係"不知點算好??"  又投訴?? 咪棧難為個看更,,, 叫大少起身過去投訴... 咪難為大少(難得係咁惡劣既環境下佢都訓得著,, 不如等佢繼續訓啦!!)  就係咁, 我輾轉返側到天光六點幾都未訓到...

好在天有眼... 真係有其他人都頂唔順去禁鐘投訴佢地 (因為我聽到d強勁音樂突然熄晒...係突然!!! 然後有門聲~~)  最後.. 可能佢地都覺得好無癮.. 散左BAND lu!! 

成晚咁樣俾人折磨... 真係人都癲~~

全篇完!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

訓得唔好, 成個人即時燥晒!!!! 唉~~

講返繼續清淡.. 其實都唔應該再話自己食得清淡... 因為成日都俾人話.. 下! 咁都叫清淡.. heeee

人係咁架啦!! 清淡得黎又想好味麻...

無心情煮飯,,想食沙律, 加多碗熱磨菇湯先!

沙律都係一貫作風... 大量生菜 + 煙三文魚薯仔沙律..好好味!!

噢..令到我唔可以大大聲話自己食得清淡既就係呢碟脆薯格... 自己焗出黎既薯格, 好味過出街買!!! 熱辣辣,, 又夠脆... 正正正~~ (真係有心減肥人仕, 切勿模仿!!! 否則後果自負~~)