Good feel!

噔噔噔噔噔~~~~ 我家既聖誕樹出場啦!!!!!!

今年中東既supermarket多左好多聖誕擺設及飾物賣... 攪到原本無諗住放聖誕樹既我.. 心陏陏又買左棵返屋企放!!!  (好想買一棵大大大大聖誕樹,, 因為我同大少講.. 難得住緊間屋咁大間, 唔好嘥!! 第時都唔知仲有冇機會!!)

原來放一棵聖誕樹係屋企, 真係好GOOD feel!!! 起碼每次返到屋企一開燈, 見到呢棵聖誕樹,, 個心都有好Warm & 好開心既感覺~

連平時無乜理會節日氣氛既大少都俾我感染埋, 大讚我砌既聖誕樹令屋企生色不少!!!  呵呵呵~~  (大少話,, 你攪到個屋企咁舒服, 以後呢d野就交晒俾你打理啦!!! 我當然話.. OKOK,, no problem!! 只要我想買野既時候, 你自動自覺去俾錢就得,, 千祈唔好問我買黎做乜? 屋企唔係有咩? 無乜用喎!! 咁就ok啦~ heeee)

棵樹唯一美中不足既係,, 仲未買到合適既燈呀!! (我鐘意人地係街到望上黎見到我間屋有樹誕樹+燈閃下閃下... 個感覺好warm呀!) 唔知中東人係咪越黎越西化.. 依家"興"個個屋企都要有聖誕樹?? 我買既時候, 好多貨品已經俾人掃得八八九九,, 攪到我要四圍搵先買到心水飾物!!! 

好彩呢到既聖誕飾物唔算貴... 質數OK啦, 掩眼法都見得下人既! 好多都係made in China, 我又要讚嘆中國既偉大.. 去到邊都有佢既踪影!

Hello...見唔見到我呀???

呢兩個紙袋好靚,, 用亞通紙做, 好實淨!!! 禮物唔洗包就咁放入去送俾人都已經好靚..買左兩個放係樹底無咁單調.. 你地估下入面有冇禮物??

仲有兩個禮拜就到聖誔.. 你地屋企怖置左未呀???  預祝各位聖誔快樂呀~~~