回顧07, 展望未來

仲有大約半個鐘就到2008年啦... 得到家姐大少奶既邀請, 叫我寫下對2007年既回顧! 噢.. 實在太好啦.. 因為我成日都無乜時間觀念... 到我想寫時可能己經過左2007啦... 所以依家要急急腳寫返對呢一年既感想!

自己 :

過去呢一年.. 真係發夢都無估到自己會係中東生活左一年... 由一個唔識煮飯既人, 變到依家入廚多過入睡房!!! 呢一切既轉變都係無諗過咁快發生係自己身上... 由細到大既夢想就係想做一個家庭煮婦..無乜事業心既我一直都覺得做家庭主婦好好.. 唔洗做,, 又可以日日去shopping!  但當自己真係遇到一個心愛既人既時候, 做家庭主婦唔再係因為enjoy可以唔洗做, 又可以日日shopping; 相反,, 最開心最有動力既係為左心愛既人.. 日日準備豐富三餐... 為家中打點家頭細務.. 其實, 仲忙過返工! 不過, 呢一切既事我都做得好開心, 感覺好幸福

仲有唔夠一個黎拜我就大一歲啦!!!! 由細到大脾氣都唔好.. 情緒變化又好大.... EQ超低!!!!  不過自己覺得過去呢一年都己經有少少改善... 希望來年會做得更好.. 唔好再為小事發狂~

 

家人 :

一直以來我地一家人都經常分開,, 但感恩既係有主既保守,, 令到大家都可以好獨立咁生活.... 尤其我唔係香港住既時候, 更加需要主既保守,, 看顧我既家人.. 令佢地平平安安,,, 希望不久既將來我同大少返黎香港定居後,, 無論我自己家人或同大少既家人都可以開開心心和諧相處

 

感情 :

兩個人一齊,, 真係好講緣份! 有緣相識, 相愛, 共渡一生真係好難得.... 過去一年同大少一齊真係快樂多過傷心... 真係好多謝大少一直對我既包容, 關懷.... 令我無時無刻都感覺到幸福! 兩個人一齊無可能完會無拗撬... 但最後諗深一層,, 大家咁愛對方.. 何必為又小事或面子令對方傷心呢? 退一步, 企係對方立場睇...成件事又會唔同晒....

08年可能會係我地既重要時刻... 雖然一切都在計劃之中... 好多野都未落實... 但係我相信大少.. 一定會俾到幸福我!

dar.. 雖然我成日都同你拗頸,, 但其實我個心知道你一切都係為我好,, 為我地將來.... 我知架.... 我會支持你既一切決定架!!!

朋友:

朋友一直都好錫我... 如果我無左朋友,, 我諗我既人生一定缺少好多色彩... 所以係到真係要多謝一班無論識左好耐既同學或係新相識既bloggers... 多謝你地既愛戴... 我真覺得自己好幸福呀!!!!!!!!

講太多啦!!! 己經過左12點啦.. 祝大家新年快樂... 黎緊一年個個都開心快樂...身體健康....