下半場

上半場去完尖東嘆Lunch後, 下半場即轉移陣地去又一城行街, 順道在此同Tan Tan預祝生日!!!

又一城既聖誕樹好靚,, 樹上燈膽會轉色.... 平日好少行又一城, 感覺都唔錯喎!!

Logon出面仲有聖誕飾物擺賣, 由於聖誕已過,, 好多都變晒特價品,, 雖然平左好多,, 而且好得意.. 但似乎無乜人會聖誕過後先黎買掛??

**********************************************************************************************

我地選擇左去溜冰場隔離一間叫EXP食Pizza既餐廳同tan tan 慶祝生日.. 我地已經算早到, 估唔到未夠七點都已經開始要等位啦~ 睇黎香港經濟真係好左好多...

小食有三文魚沙律...

蜜糖雞翼... 好熱氣!! 我最近唔夠訓已經生左兩粒菲滋,, 但仍然唔怕死繼續食熱氣野!

焗雜菇... 好味!! 因為個邊無咁多菇類食... I love it~~

唔知叫咩名,, 配埋醬汁都唔錯...

另外主菜叫左炸爐魚義大利飯,, 但呢個飯除左炸魚塊好味,, D飯完全唔係義大利飯, 似普通茶餐廳既炒飯多d...

另一碟當然係我suggest既義粉,, 海鮮義粉... 多得Cindy識人, 我地d食物都較為大碟,, 而且材料都多過人呀!

仲有免費果汁飲添....

由朝玩到晚... 大家越傾都越顯疲態... 所以大約九點幾我地都要返屋企休息下啦!!!

其實每次同Bloggers出街都好開心... 因為個個都好錫我, 知我少返HK又會好關心問候我,,Cindy知我少湯水飲,,, 仲話要煲湯我飲添呀!!! 哈... 得到大家既竉幸,, 我真係好榮幸!!

雖然大家只係網上相識,, 但一樣會出自真心對待朋友,,令我好感動!! 其實世界上人與人相處真係好奇妙.... 人夾人緣, 呢句說話一d都無錯... 所以如果遇到真心對你既朋友,, 真係要用心對待, 唔好傷害對方呀~