懶到出汁!!!

剛過去既假期,,懶到出汁既我竟然訓到下午三點半先識起身!!! (我訓左足足十三個鐘!) 實在嚇人~~

起身後, 大少已經整好左一大壺豆漿 + 煮埋個lunch.. 攪到我都有d慚愧添!

輕輕鬆鬆咁過假期,,真係好relax 呀!

眨下眼又到晚飯時間, 由於星期五先打完便爐,, 個肚飽到就黎漲爆咁濟,, 所以我決定呢個星期起開始要清淡清淡!! (希望真係做到啦)

一講起要食清淡,,就係諗起食粥! 但其實食粥對於我地黎講都唔算清淡..因為有好多好好味既配菜...嘻嘻~

今次我做左兩款冷盤, 呢碟係皮蛋豆腐肉鬆!  做法非常簡單, 灼一灼d豆腐等佢無咁易爛.. 然後自己調教個醬汁 (黎黎去去都係豉油, 麻油, 糖, 胡椒等).. 即可! 正~

d豆腐超滑.. 配起肉鬆, 味到好夾!

另一款係我經常做既涼拌青瓜, 不過今次加埋海折,, 正正正!!!! 醬汁又係自己做,, 但呢碟加左大量生蒜粒&芝麻粒, 令味道更出!!!

上次提及過欖菜後, 好多有心既BLOG友都教用欖菜撈粥食, 話好好味喎!!! 我今次特登只係煲瑤柱白粥, 然後撈欖菜.. 睇下係咪真係咁正先??

放左1-2匙欖菜...撈埋黎食又唔覺好油!! 咁正既野, 當然要介紹埋俾大少啦.. 嘩嘩嘩... 我地一致都覺得好好味!!

今餐雖然超簡單... 但真係好好味!! 多謝各位BLOG友既介紹呀~~