悠閒星期五

悠閒既星期五,,同大少揸車四出購物.. 雖然買唔到想要既野, 但卻遇到好靚既天色!

呢個時份既杜拜, 氣溫徘徊係17-26度, 非常舒服...

而且能見到非常清晰,, 幾乎每日都可以欣賞到美麗既日落!  有時間,, 真係要去沙灘行一趟~

最近Abu Dhabi 節目特別多, 除左啱啱過左既36週年國慶, 前幾日又有甚麼警隊廿五週年慶典... 而12月1-7號又有水上活動比賽 (F1 Power Boat), 尋日又見到有警犬表演,,真係熱鬧到周圍都係人!! 比起上年熱鬧好多~~

係Mall到走時, 仲見到有熱氣球玩!!! 但我唔sure係咪真係會飛上天, 定係只係俾人上去影張相就算?! (但俾我真係唔敢玩..)

夜晚相約同事們一齊打爐便,, 由於今次人數較多, 所以移私陣地,, 去老闆間屋玩... 食完仲唔洗執野洗碗,, 因為星期六有鐘點黎執屋架!! 幾爽~

成枱都係野食..最好味係蝦!!! 另外係同事M悉心自製既墨魚滑... 真係好好味!!! 我真係好鐘意打便爐... 如果想約我食飯, 諗唔到食乜.. 打便爐係一個好去處~~ 呵呵..

難得有咁多人,, 當然要整返個蛋糕助慶!!! 但懶隋既我, 唔想花太多時間去做餅,, 所以剩係焗左個New York Cheese Cake俾大家食.. 呢個蛋糕又方便又好味... 足以滿足同事們既口味...heeeeeee (美中不足係無精美既枱墊伴碟, 仲要俾同事唔小心整花左酸忌廉個part!)

不過大家都一樣好欣賞我既蛋糕... 但唔知係咪自己識整後成日有得食..我對芝士蛋糕既熱情減退左好多呀!!! 咁樣係好事定壞事呢?