感恩平安夜

聖誕快樂!!!!! 大家過得快樂嗎??

大少尋日返左去杜拜lu, 好掛住佢呢... (感謝主!!!  大少已經平安到步~)

雖然好唔捨得大少... 好想同佢一齊走,, 不過一月係朋友既大喜日子.. 我既然返左HK,, 當然要出席啦!   所以由依家至到我走既時候,, 就要靠各方好友倍伴啦..heeee

平安夜個朝, 撞彩打電話去利舞臺6/F既伊勢日本料理睇下仲book唔book到枱食飯?? 嘩.. 感恩感恩!! 係呢d大時節竟然仲有位.. 可以逃過等位之苦呀~~

之前試過呢間餐廳, 品質相當好, 但價錢就稍貴; 不過諗住聖誕節.. 食豪d啦!! 點知原來當晚有特別聖誕套餐, 仲要唔算貴喎,, 用咁既價錢食呢餐,, 我同大少都覺得好抵呀...

前菜小食已經好好味!! 有少少微辣既韭菜加d唔知咩... 好味好味!!

先有燒牛肉刺身配柚子汁.. 燒牛肉刺身本身已經好滑, 好香牛肉味,, 配埋清新既柚子汁,, 真係好好味!!

三色刺身,, 有我最愛既吞拿魚腩&甜蝦!! 我同大少都食到好味到出唔到聲呀!! (可能係杜拜太耐,, 食返d正野真係好感動!!!)

枝豆三文魚湯!!! 未試過飲枝豆煲既湯,, 原來好甜好好味. 加埋三文魚既鮮味... 無得頂!

鐵板蒜片牛柳粒... 一個字 - 正!! 呢d先係牛肉麻... 五成熟.. 啱啱好.. 好好食!!

另外有炸香米蝦/天婦羅蝦, 我地見呢個幾得意所以叫左前者!! 味道都唔錯,, 不過d炸香米好漏呀, 食一件都已經夠啦! 大少話都係天婦羅好味d喎~

牛肉稻庭烏冬.. 其實去到呢到已經好飽, 不過真係樣樣都好好味.. 所以飽都想繼續食呀!!!  我本身對烏冬唔算太愛... 但呢到既烏冬真係好彈牙.. 而且d生牛肉又係好好味.. 對於唔好牛既我,, 都成碗'隊'晒.. heeee 勁!!!!

其實成日令我對伊勢念念不忘既就係佢地既雪糕!!! 大少既芝麻味雪糕.. 真係好濃芝麻味,, 同出面買既完全係兩回事呀.... 而我就鐘情於柚子雪芭.. 好清, 又唔會過甜,, 食多兩球都得呀!!

食完一餐豐富既晚飯後,, 我就同大少去工展會掃貨!!!  同大少一齊既每一日,, 我都覺得好開心... 日日都係紀念日呀~~