好滑呀!!

估下係乜??

無錯... 好似係一個微波爐煮飯器... 係我特登係香港攞返黎用...

但我個目的唔係用黎煮飯, 而係........

用黎整.....

豆腐花!!!!! 哈~

其實唔係特登買架,, 只係買豆漿機時, 阿姐話送買個豆腐花兜俾我喎! 攞到返黎先知(有張牌仔attached) , 寫住係微波爐飯煲??  噢.. 是單啦! 一物幾用係我最鐘意既產品.. 下次我唔係到既時候,, 大少可以用呢個黎煮一人飯啦~

第二次整.. 終於成功! 起碼可以"拔"到一件件完整既出黎... (第一次整時直程唔'瓊'呀!)  但我仲未掌握到令豆腐花夠實既原因係咩???  係石膏粉唔夠多? 定我將粟粉當生粉用呢??(其實生粉同粟粉有冇分別??)

不過,, 真係好滑...我覺得仲滑過出街食!! 下次可以自己煮個彊汁糖水,, 就可以嘆碗熱辣辣既彊汁豆花啦!

Recipe : (取自附送的食譜)

份量 : 以上碗約有五至六碗

材料 : 豆漿 1300ml , 熟石膏粉 (Coagulant (Calcium Sulfate) 1.5茶匙 , 生粉3茶匙, 白開水2湯匙

製法 : 用白開水將石膏粉及生粉混和, 放進容器內, 並即時將剛做好的熱豆漿沖入容器中, 不需攪拌! 立即蓋上蓋子約30mins, 即成香滑美味豆腐花, 食用時可隨意加入糖水及姜沖等! 

P.S.

尋：殷伯母菇菇姐

如各位見到菇菇姐，請通知佢露一露面，萬事有商量，重酬！