Seafood Buffet @ Le Meridien

尋晚同成班同事去Le Meridien 食"屎忽buffet"

約左好耐, 次次都因為臨時有事而取消.. 所以等埋我返黎,, 唔好再拖... 即去!

食物同上年去既時候差不多... 九成以海鮮為主, 啱晒鐘意食海鮮既我!!! 呵呵~~

呢個Dessert Area有新攪作..就係加多左個朱古力噴泉... 好鐘意佢將d生果咁樣插住放, 好似一朵朵花!! 好靚..

之前都有介紹過, 呢到d Desserts 算係唔錯,, 尤其個焦糖布甸...正!

另外最大發現係今次有係PARIS - LEON到食既Mussels, 連煮法都有八成相似... 我同大少勁食!!!! 前兩日先同大少講好想再去Paris 食Leon..點知今日就有得食... 正呀!!!!

現場仲有Live Band 四圍走每枱獻唱, 你可以點歌或叫佢隨意唱... 其間佢地唱左隻聖誔歌...令到全場當堂充滿聖誔氣氛,, 好開心!!!!

呢餐飯每位170dhs 未加一(約四百蚊港紙),, 我地一行六人, 但全部免費!!! 哈~

皆因係用平時打牌抽落既水黎食飯.. 短短約半年, 每星期一次八圈的聚會... 不知不覺竟然有成大約港紙四千蚊水.. 真係勁呀!!!  下次我地既目標係帆船酒店既Brunch Buffet... 大家加油啦~~