Pre-X'mas Party~

今日同相熟同事預先慶祝聖誕... 地點當然選擇充滿聖誕氣氛既我家!! HAHAHA..... (各人都要預備一份聖誕禮物黎交換, 我地做得好足架!!!)

好耐無請客啦.. 又要考我煮藝?? 不過今次好好多.. 因為一早已向各界高手偷師,, 所以除左有我鎮店之寶既"撚手炒飯"&"海鮮義粉"外,, 其他新元素都係第一次做.. 攪到手忙腳亂,, 真係要好好多謝大少出手相助, 做左阿moon個角色呀!! (Thank you~ ar dee) 

鎮店之寶一 : 海鮮茄汁炒義粉 (義粉好容易變凍,, keep唔到初初煮起熱辣辣既美味!!! 唉~)

鎮店之寶二 : 肉碎炸菜欖菜炒飯 (個個激讚!!!)

新鮮三文魚什菜沙律... 呢D有騰蕃茄四十幾蚊港紙得六個... 同事M話 : d蕃茄好新鮮呀!!! (你真係識貨~~)

係家姐大少奶到學返黎既南瓜湯... 我仲加左什錦海鮮... 好好味!!!! (不過Blend得唔夠幼滑, 要改善!!)

另一樣係學笨B媽媽既焗青口!!!!  青口原本好好味,,但死蠢既我無將蒜粒炒一炒先.. 就咁生蒜加牛油焗.. 焗完d蒜頭食落有d生.. 辣辣地.. 仲攪到個口好鬼嗅!!! 失敗,, 又係要再改善下~

焗香草田螺!!! 呢個最易整,  因為係成個Frozen買返黎(哈~).. 自己放左d薯蓉係底就攞去焗12mins., 即可!! 方便美味~

最後仲有個跟Angel做既綠茶布甸做甜品..... 完滿結束!!! 多謝俾面~~

呀~ 仲有隻Smokey Chicken焗緊無影到!!!! (不過又係現成買返黎焗返熱就OK) 

呢餐雖然唔算好豐富,, 都係一d家常便飯.. 不過大家開開心心咁提前攪個Christmas Party, 氣氛都唔錯喎!!! (我地仲播埋Kenny G 既Christmas 歌拌下樂添!!!) 

當初買傢俬時, 都無諗過會有朋友黎玩, 仲係咁同大少講..呢張sofa夠架啦, 唔好買咁大張啦!!!!  但依家先發覺一多幾個人上黎食飯就唔夠位坐.. 攪到要d客人坐地下, 坐食飯櫈,, 真係唔好意思~~

交換完禮物.. 影張大合照先!!!!!  MERRY X'MAS~~

拆禮物相太興奮啦..個個面容扭曲..唔方便登.. HAAAAAAAAAAA!! Anyway,, 多謝大家俾面黎食飯.. 希望今晚大家都盡興啦!!!