除夕當日, 約左好朋友食晚飯... 朋友S問我想食乜?? 我二話不說就講想食新鮮海鮮呀!!! 係杜拜成日都食D冰鮮雞, 冷藏海鮮.. 完全無'新鮮游水海鮮'食..返黎HK當然要食返次啦!
朋友S揀左位於北角和富道既新和富,, 鋪面雖然唔起眼, 亦無華麗裝修,, 但依然人頭湧湧, 未食都已經知正...
鋪頭唔大,, 想去食一定要BOOK位呀!
咁多報章雜誌介紹,, 都知道呢間野唔係普通小廚
馳名豉油雞半隻,,, 超滑既雞, 好重鮮雞味,,, 正正正!!!
砵酒煮蠔(唔記得係咪咁叫), 我不嬲都好鐘意食蠔.. 除夕當晚氣溫降至11度, 突然想食D酒煮野暖胃.... 不過後來見隔離枱order炸蠔,, 似乎仲正呢!!
XO醬干煸四季豆,, 雖然無乜特別.. 但唔知點解我好鐘意食呢味菜!
黃金蝦... 本身想叫蟶虸, 炒蜆之類既野..可惜好快已經沽清啦!!! 朋友S鐘意食香口野... 但我覺得太油膩啦,, 不宜多吃!
椒鹽瀨尿蝦係我最愛既食物之一... 不過兩個人食以上食物, 真係有D過多, 所以為滿足我既願望,, 只係叫左一隻, 好正好正!!! 成隻我食晒咁濟...heeeee
total 約500, 多謝朋友S!
大家有冇睇IFC爆煙花?? 真係好靚... 好想同大少一齊去睇.. 雖然今年分開過, 但一踏入十二點,, 我都即時打俾大少同佢講新年快樂!!! 希望新一年事事順利啦!!
過左07年,, 2008年既零時零分即時約好朋友打雀慶08...haaaaaaa 仲要好激咁打天光!!! 我真係好鐘意同好朋友住埋一堆,,想幾時見一個電話唔洗十五分鐘即到! 將來大家各有家庭,, 唔知仲會唔會住得咁近?
08年1月1日既早晨... 好清靜啊~
打完雀我地仲好精晨咁去食早餐.. 08年第一餐早餐,, 揀左鰂漁涌區最好食既粥店-金峰!!!! 啱啱拉閘開門,, 我地係08年第一台客.. 但sorry,, 唔會因為咁而有折頭囉.. hee
新鮮腸粉... 係杜拜同大少成日都好懷念既食物!!
炒麵 & 炸兩, 香港有呢D早餐,, 真係好正呀!!!
我既皮蛋瘦肉粥..,, 金峰D粥真係好好味!!! 雖然次次食都必定要排隊, 唔齊人又唔入得, 唔送外賣.. 但真係日日都人山人海.. 朋友們有機會都去試下!! 無介紹錯
好豐富呀!!! 滿足既一餐.... 感覺好幸福~
F
回覆刪除