自選菜式 - 泰式蒸烏頭

我係呢到一直都好少煮魚食,, 原因唔係我唔鐘意食魚,, 只係呢到買唔到新鮮游水魚,, d魚放得出黎賣既全部都係已故!  所以係唔適合清蒸黎食, 會好'醒'!!  二來呢到買魚係唔包去魚麟&內臟,, 對於我黎講, 對住一條死魚, 真係無所悉從?!

不過上兩個星期係同事屋企食過佢煮既豆豉蒸烏頭... 又好好味喎!!! 同事M話,, 只要揀到d啱啱死,,個腮仲未變黑既魚黎蒸,, 都仲可以,,  加埋一d重味既調味料.. 咁條魚就唔會覺得'醒'啦!

知道呢個方法後, 上星期六一早十點起身同大少去Fish Market買海鮮,, 揀左好耐, 先搵到一條好樣d既烏頭.. 再用買魚既四份一價錢請專人去麟&內臟 (呢到劏魚去麟係要俾錢架...斷重量計!)

呢一條就係我自創既"泰式蒸烏頭"!!!! 

原本都想跟同事M咁用豆豉蒸就算.. 但我本身唔係太鐘意豆豉個味,, 又覺得太單調.. 所以靈機一觸, 不如試下用泰式既方法整~~

呢個食譜完全係亂做,,靠自己平時食過既記憶去做.. 但出黎效果都VERY NICE!!! 感恩感恩~~

材料有 : 豬肉碎, 榨菜(我估應該用酸菜, 不過我無!), 紹菜, 檸檬汁, 芫茜, 辣椒等...

呢條泰式蒸烏頭餸飯簡直一流!!!!!  d肉碎好味.. 個湯底都唔錯...最正係d紹菜浸左入d湯到,, 索晒d汁... 好好味~~ 

大少仲好疑惑咁問我 : 你真係第一次整??

哈!!! 見到佢食得咁開心.. 我已經好滿足~~

Recipe : (此菜式乃自行亂煮,, 如有任何錯漏,, 請不要見怪!!)

材料 :

烏頭一條 (緊係越新鮮越好啦!!)

豬肉碎 .... 隨意 ; 榨菜 .... 一包 ; 紹菜 ... 隨意 ; 芫茜 & 辣椒 ... 隨意

陳皮, 薑&蔥 ..... 適量

水 .......... 4-5杯

醃料 :

1) 先將魚新淨抺乾, 擦少少鹽待用

2) 豬肉碎以一般醃料醃30mins (糖, 生粉, 豉油, 楜椒粉)

調味料 :

雞湯/雞粉, 糖, 檸檬汁, 楜椒粉, 辣椒, 麻油 (自行試味)

做法 :

1) 用薑, 蔥 & 陳皮鋪滿及塞入魚肚內用大火蒸6分鐘, 備用

2) 燒熱獲, 落油, 將豬肉碎炒香, 炒至七成熟撈起備用

3) 煮滾水, 落雞粉/雞湯, 榨菜, 再將豬肉碎回獲, 煮滾,, 加入其他調味料... (由於榨菜本身偏咸, 所以要不時試味, 唔好煮得太咸!!)

4) 最後, 加入紹菜稍煮,  再將魚回獲略煮, 加入芫茜&辣椒... 即可上碟