Unhealthy Meal

平時既我煮飯有一個原則... 就係以清淡為主!!!  老實講,,雖然我肥..但我好怕食好油, 好重味既食物... 食完一定反胃..頂成日... 加上近年個胃真係衰退得好快,, 食多d, 食遲d都即刻亮起紅燈!!!!  

好彩既係大少都係一個啖口味既人,, 所以我地平常食既餸一定係啖味過出面...亦都因為咁, 我都好怕請人返黎食飯..怕人地會嫌唔夠味, 唔好食!!

話雖如此... 我地呢d後生仔女... 偶然都會放肆一下既! 俾大家見識下我既"Unhealthy Meal"...哈!! "Unhealthy Meal"成日都煮... 呢餐都算特別囉~~

最近係家樂福買左一pack蝦蛟... 好想試下掂唔掂... 蒸六粒試下先!!

外表望落好似好OK喎!!! (但食落先知個皮又係厚過橙皮~)

另外見到一包船長牌炸魚柳... 記得細個睇電視有賣過呢個牌子既廣告,,成日叫"麻麻"買黎食佢都唔俾,, 因為熱氣無益喎!! 事隔十多廿年... 依家見到... 又勾起我點點回憶... 雖然大個左唔再恨食炸魚柳... 但為左一償我細個既心願... 試下啦!!!

放入預熱焗爐焗十分鐘即可!! 好方便~~ (焗完d魚柳依然Juicy)

幾唔健康都要有菜既... 郊外油菜一碟!

臨尾仲有一人一碗出前一丁!!! (呢隻一丁係日版個款, 人地話比起本地個隻健康d喎!) Anyway,,,食得公仔麵都唔方健康得去邊啦~

電腦前面既你地唔好學我咁懶煮埋呢d野食呀... 我地經過專人訓練先可以咁樣食咋!! heeeeeee