第一次!! (附brownie食譜)

今晚好攪笑!!!!!  平時我有聽903既習慣... 知道"架勢堂"森美小儀等人下星期會黎杜拜玩,, 所以近日有個環節叫做"豪遊杜拜" ,, 係俾去過杜拜既朋友打去講下有咩需要注意&有咩值得玩~~

聽左兩日,,, 好有衝動打去.. 但又心諗,, 其實我都無咩想講, 因為係我心目中,, 杜拜係無野好玩.. 哈!!!!  不過,, 最後心思思都打去試下通唔通.. 點知真係通左喎!?

最後我真係同森美小儀傾左大約10分鐘.. 哈~~ 好攪笑,, 咁大個女第一次做呢d野.. 係收音機聽到自己把聲都覺得怪怪地... 最攪笑係大少係我部電腦面前聽我地講乜時, 就收到幾個朋友既MSN問我係咪打左上去903... haaaaa 原來有人認得出我把聲喎!!  

依家杜拜天氣好凍.. 只有15度!!!! 佢地話會黎玩滑雪 & 水上樂園... 唔知佢地會唔會凍屎?!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

介紹一味今日我自創既菜式... 其實又係個句,, 唔係咩勁野,,我亦無資格教人... 只係自己第一次亂咁煮,, 覺得幾好味!! 同大家分享下.. 睇下啱唔啱你地口味?

名堂 : um...  XO醬磨菇魷魚荷蘭豆炒粉絲啦!   全部都係剩餘物資~~ 一獲熟!

快速煮法 :

1) 落油, 先爆香蒜粒, 加入荷蘭豆, 磨菇及粉絲, 加1至1.5碗水 & 調味料(salt, 雞粉, 糖, 胡椒等), 蓋上蓋煮一陣...

2) 約2分鐘,, 加入已醃魷魚, 略炒略煮, 加入適量XO醬,, 試味... 炒至收汁, 即可!

大少食返尋晚剩左既泡菜飯,, 我就食炒粉絲!!!  加多罐低鹽蕃茄罐頭湯.. 飽晒!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

適逢之前聖誕+除夕,, 有d同事返左家鄉放假; 為慶祝今日終於人齊歸隊!!! 我特登焗左個Brownie 俾大家食~~  大少話個個都勁讚好味,, 唔洗一陣清晒!!! heeee 多謝大家俾面!

我自己本身都好鐘意食Brownie,,但成日都好懶去溶'芝古力'!  好耐無食... 真係好好味~~

呢d士多啤梨係大少做生日蛋糕俾我時用剩架!!! 佢買左一盒, 但只用左一粒作點綴,, 唉! 我又要動動腦筋諗下有咩士多啤梨野可以做!?

第一次用8" x 8" 既方模焗brownie,,, 初初都怕時間掌握得唔好~   感謝主!!!! 最後出黎效果都幾好... 外脆內軟... 好好味!!!!

Recipe : (10"x6")  我用8"x 8"

材料 :

無鹽牛油液 .... 130g, 黑朱古力 .... 310g, 砂糖 .... 130g, eggs .... 150, Bread Flour .... 190g, Plain Flour ... 60g, 朱古力可可粉 ..... 20g, 梳打粉 ... 3g, 合桃碎 .... 100g, 黑朱古力粒 .... 130g

做法 : 預先以180預熱焗爐

1. 用煲煮溶朱古力, 然後加入溶牛油, 拌勻..備用

2. 用電動打蛋機以中速拂打雞蛋, 分3次加入砂糖, 打至無糖粒

3. 加入1既朱古力牛油溶液, 用膠刮拌勻

4. 篩入全粉頪, 快速用膠刮拌勻, (唔好攪太耐,,否則會硬!!)

5. 加入合桃碎及朱古力粒, 拌勻

6. 倒入餅模, 平均鋪平..以180度焗20MINS