老麵出招-楓糖吐司

Yeah!!!  感謝主~~~ 終於焗出人生中第一個加左"老麵"既麵包!!

乜都唔洗講住..我要多謝"餅神Vanlily", 多謝你唔嫌我煩,, 一條又一條既問題..你都細心解答..我先有今日既成果!!  真係非常非常感激你~~

出爐個一刻倒扣出黎,, 我一見到個麵包.. 我就大叫,, "嘩..我個BB呀!!!" 攪左幾個鐘終出面世... 好感動呀!!

今次我係跟Cass既楓糖吐司黎整... 但因為我怕失敗,, 所以將份量減半! 焗出黎既效果比起正常吐司矮...但我覺得啱我地呀.. 呢個份量夠我地食兩日早餐~

雖然我知做得唔算好... 因為就咁睇..似蛋糕多過面包, 好似好密,, 無乜起絲?!  但食落口又唔太差,, 味道同口感都令我覺得唔錯唔錯!!!  加左"老麵"真係唔同d~~

焗好麵包既時間同開飯時間相約.. 但又係包痴既大少已經虎視眈眈係咁話 : 嘩.. 好香麵包味呀!!! 好想試呀~~ 你會切黎試下個何??"

我: 下...食飯啦...仲食麵包咪唔洗食飯? 今晚有你最鐘意既梅菜肉餅喎...你唔怕食唔落呀?

但大少係咁堅持話要食... 仲自己走入廚房攞晒牛油, 刀仔出黎, 仲要食完一塊又要一塊~~ 睇黎"老麵"既魔力真係唔野少!! 

不過今次整包既過程中仍有一點棘手問題!! 就係發烤發唔到兩倍大呀... 我諗淨係大左一倍到...唔知係咪呢到天氣太凍呢???  所以我覺得個包應該可以做得再好d, 希望下次可以再有更多既進步啦!!

不過..我仍然好開心.... Heeeeeeeeeeeeee

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而以下呢一個叫做帶蓋白吐司... 係前一日跟書整..無落"老麵"!!! 

大家有眼睇... 各方面都醜樣好多!!!  不過其實係我自己衰.. 落份量時..初初係減半,, 減左頭三樣後,, 又唔記得減半... 變左一d份量啱, 一d份量又多得濟... 最後攪拌其間先發現... 即時憑肉眼去加返d份量... 所以出黎效果仲食得落肚,,我已經當行運啦!!

我地今朝就係食佢做早餐... 唔可以話好軟熟.. 不過煙煙un un...配三文魚醬食... 都好正!! 當然,, 同今日加左"老麵"既吐司比... 又係另一回事啦!

呢幅相你地會聯想到D乜呀??? heeeeeeeee

想要楓糖吐司recipe可以Click Cass個名!

想知"餅神Vanlily"解說"老麵之謎, 可以Click Vanlily個名!!