返左黎三日,,, 少不免仲係浮遊狀態.. 日日望住你地d BLOG... 睇住你地成日出去吃喝玩樂買.. 恨'屎'我啦!!!! 
雖然未在狀態,, 但都要執下今次係香港買返黎既野~~
今轉返香港, 有特別任務在身,, 就係答應左呢邊同事會買一箱福字麵返黎!!! 呢箱麵,, 應該夠大家有排食啦呱?!
另一箱一早已經Pass左俾大少運返黎先!!!!! 好多野呀,, 主要都係食物,, 好開心~ 每次見到d櫃全部都係自己鐘意既食物.. 好有滿足感.. haaaaaaa (好無聊!)
用左一排UMPC...返黎用返正常notebook竟然用唔慣,, 係香港習慣左雙手縮埋一舊黎打字,, 依家打返正常既keyboard...反而成日打錯位!!! 死唔死~
**********************************************************************************************************
懶人晚餐 :
好耐之前係無印良品買左一包"韓式泡菜味"既拌飯醬汁,,, 只須洗好米, 加入醬汁正常煲飯,,, 飯煲跳制後焗15分鐘拌勻即可!!!!! 初初都怕大少唔鐘意食呢d飯.. 但原來味道都唔錯~ 雖然唔係真係泡菜飯,, 但味道都有d似泡菜飯,, 少少辣, 但一d都唔油!!! 偶然食下呢d有味飯,, 都唔錯!! 最緊要係好方便麻~~ (臘腸係自己加,, 唔包架!)
另外大少話最近好少食菜,, (其實我都係!!!!!) 所以滾左一煲粉絲豆腐菜湯... 一人一小窩,,, 唔洗煩~ (湯底我用家樂牌新出既"濃湯寶"既魚湯味... 方便又好味! 又係啱晒我呢d懶人!!!)
初初返到,, 俾d時間我warm up 下啦!!! 無餸飯,, 失禮晒~
甜品 :
做豆腐花係有原因... 原因唔係因為想食豆腐花...
原因係因為係香港買左包紅糖返黎... 好想食灑係豆腐花上面既紅糖,, 所以先整豆腐花.. 哈!!! 睇下我食得幾刁...........轉 ~
沒有留言:
張貼留言