Pre-生日飯

hihi,,當你睇緊呢遍blog時,, 我已經係萬呎高空飄緊返杜拜啦!! 聽日係我正日生日,, 當然要趕返去同大少一齊攬住過啦..heeeee

首先係到要同一班好有心既朋友講聲唔好意思,, 因為時間緊迫,, 知道你地想同我食生日飯,, 但我都就唔到時間呀!!! anyway,,你地既心意, 我當然收到晒啦... 多謝你地呀~~~~

星期三晚, 一班好朋友提早慶祝我同另一位朋友既生日, 選擇到北角東寶小館晚飯!!!  相信住港島區既朋友都會聽過呢間為於北角街市二樓既東寶... 日日係常滿, 迫爆人.. 就算BOOK左位唔人齊都唔會俾枱你!!! 真係唔休做呢~

海鮮豆腐羹, 唔錯唔錯!!!

最最最出名既墨汁墨魚丸!!! 真係每枱必叫架... 好好味... d墨丸真係好重墨魚味... 煮法夠特別!!! 一定要試...

另一味出名菜係風沙雞... 味道不俗.. 不過對於生左大媽瘡既我,, 不宜多吃!!

豉汁蒸鱔...我真係好耐無食過啦...正正!!

琵琶豆腐,, 好好味!!! 尤其加埋d汁...

又係好慘地無晒蟶子,, 求其叫碟黃金蝦食,, 但東寶既黃金蝦好味過新和富... 無咁濕呀!!

極力推介... 福建扒蛋白... 超滑蛋白,,撈飯食一流呢!!!!

普通生炒排骨, 可以唔叫!

東寶又一鉅獻... 荷葉飯!!! 好入味... 必吃之一呀..

清炒豆苗... 油左少少

粉絲雜菜煲... 普通貨色,, 仲要無乜粉絲, 又斷晒!!

一行九人,, 食得好開心呀!!! 多謝大家咁有心呢...

其實由細到大生日都慣左唔會特別大事慶祝!! 因為從小已經好慘地每逢放完聖誕假就要考試,, 考試前夕或期間邊個得閒仲同你慶祝??  之後大個左出黎做野都係同較親蜜個幾個Friends食下飯, 唱下K又一日!!!  不過老實講,, 真係唔需要咩特別禮物或慶祝,, 有你地一班好朋友係身邊已足夠!!!

溫馨提示 : 東寶有好多特別既菜式,, 最適合同一大班朋友去食,, 可以叫多d之餘又會抵食d, 因為d野食都幾大碟!!! 另外book左枱既朋友, 一定要準時及人到齊, 否則佢地會毫不客氣地同你講 : 你遲左喎,, 你張枱賣左俾人,, 唔該出去等等,, 有位會再叫你!!! 唔想等既朋友, 自己醒目D啦~

東寶小廚

地址 : 北角街市二樓

Tel : 2880 5224

平均消費約 $110/head