Abu Dhabi 飯堂

係我住既附近...有一間越南餐館, 佢地聲稱湯底係用唔知幾多種材料熬左唔知有冇七七四十九日!!! 總之就話佢地d湯底係正宗越南口味... 絶無味精~

公平d講句... 佢既湯麵食完真係唔會好口渴! 要係中東地區食返似亞洲人口味既麵... 呢間真係算唔錯,, 所以呢到已經變成我地唔煮飯時既Choice 1 飯堂!!!

為左免得我地等得耐而鼓燥,, 佢地會先送一碟蝦片塞住我地把口!!!

每次去我都必點既Ginger Root, 薑汁加糖水..好濃薑汁味... 唔錯!!

大少既Lemon Tea...好抵飲.. 超大杯!! 不過又係勁甜~

平時多數同埋同事一齊去,,可以叫多幾款小食share....

Summer Roll...必食.. 因為我地都好懷念港式既越南餐廳!!!  其實我好想自己買d 米紙返黎包呢d卷食.. 不過我唔知邊到有得買呀??

Spring Roll...照釋即係春卷!!  呢間餐廳d野食真係算係咁.. 起碼食落既味道都唔算騎呢~

燒雞翼&雞槌!!

隨order 麵食另會提供一d配料俾你自行加落d麵到!!!

呢一碗係酸辣海鮮米... 好似好大碗...但其實得個兩三啖麵.. 大少次次都唔夠食!

呢款好似係鴨肉米... 其實食乜野餸都唔重要,, 因為樣樣都唔可以話好食.. 我地主要都係食佢既湯底... 同埋中東地區好少湯麵食.. 無得揀時,, 就要將就下!

我既雞肉蝦粉絲!!

其實味道如果同香港比... 真係無得比!!!! 而且每碗麵大約都要Dhs28-30 (大概5X-6X港紙一碗呀!!!!) 加埋d小食.. 每人都要dhs50 (約100蚊港紙)~~  你地話係咪唔抵食!!!   只係普通一碗麵&普通到爆既小食.. 就要成舊水一位.... 唉! 

所以有時唔係我想餐餐都煮飯... 而係出面真係無乜好野食!! 寫寫下...又好掛住香港又平又好味既食物啦~~