哈~ 除左義粉外,, 我平時好少煮西餐食! 一來唔係好識煮, 二來我唔太鐘意食豬/牛/羊..
但上星期我打破一貫作風,, 連大少都估我唔到,, 返黎見到有扒食.. 嚇左一跳呢!
不過,, 今次煮西餐其實係另有目的~ 
原因一:
呢盒田螺放左係冰格已經好耐啦,, 4月到期, 趁仲記得,, 啦啦聲攪掂佢!
原因二 :
d薯仔俾我放到出水咁濟,, 再唔食又係浪費... 所以用黎做芝士煙三文魚焗薯!
第一次自家焗薯,, 用200度焗左45-50分鐘, 味道不俗!!
原因三 :
係香港買左一罐龍蝦罐頭湯過黎,, 成日心思思想飲.. 但同平時既中餐又唔夾,, 今次係時候啦!!
就係以上三個原因,, 呢餐西餐就誕生左啦~~ 
羊架用鹽&香草略醃, 用石紙包住以200-220度焗25mins...即可!!! 效果一d都唔'un'.. 啱啱好呀~ 
西蘭花+西芹就咁用蒜頭加少少鹽炒香已經好好味啦!!!
好開心!!! 又清左雪櫃裡某一堆食物.. 任務成功!!!!
我愛羊架呀. 好成功的西餐, 又可以清雪櫃. 唔錯呀. 咁個湯好唔好味呀?
回覆刪除[版主回覆01/28/2008 18:31:00]個湯有少少辣..都唔錯!!
咩都用焗爐
回覆刪除[版主回覆01/28/2008 18:32:00]咁啱屋企有兩個焗爐.. 唔係有排等!!
我最愛既羊架呀，不過又好少整，因為老公唔食
回覆刪除你整既西餐好掂呀，最想試個芝士三文魚焗薯仔
個湯好唔好飲呀？
[版主回覆01/28/2008 18:32:00]羊架都唔錯, 因為感覺上無咁多肉!!
個湯OK啦.. 有少少辣...
我鐘意食西多d~~呢個羊架田螺餐好o岩我~~
回覆刪除[版主回覆01/28/2008 18:33:00]原來你比較西化~~
我其實兩樣都OK,,只係唔係好鐘意食扒.. 但我鐘意食意粉!
索G來留毛啦 ~
回覆刪除我一凍就唔會郁 (真係冬眠-ing呢~)
一返歸就去被窩度, 所以呢期好少上網呀 ~~~~~
[版主回覆01/28/2008 18:34:00]小心D呀 , 唔好冷親!
龍蝦湯係我至愛呀 ~
回覆刪除呢期香港老麥都有得飲啊 ~~~~~~
[版主回覆01/28/2008 18:34:00]下..老麥都有龍蝦湯飲咁正!!!!! 好唔好味架??
呢餐西餐唔啱我呢.....不過你煮得好好
回覆刪除[版主回覆01/28/2008 18:35:00]我新買左一盒朱古力... 個盒應該好啱你... 我下次買盒俾你!!
回覆刪除早安!!
[版主回覆01/28/2008 18:35:00]good evening!
哈....好得喎!!!
回覆刪除真係成餐西餐呀!!
你煮多d,第時咩都識整呀!!!
幾時開個美食團呀!!
[版主回覆01/28/2008 18:36:00]呢D都係求其咋,,如果真係俾塊牛扒我,,我就唔識煎架啦!!!
美食團?? 去邊到食先?? heeeeeee
好有home feel嘅西餐啊
回覆刪除[版主回覆01/28/2008 18:36:00]欠一個甜品呀!! heeeeeeee
你煮既西餐都好吸引呀!
回覆刪除[版主回覆01/28/2008 18:37:00]因為樣樣都唔洗我點煮, 放入焗爐攪掂!
好鍾意食呀...好好味...
回覆刪除[版主回覆01/28/2008 18:37:00]原來你鐘意食西餐!!!
恭喜清倉成功
回覆刪除[版主回覆01/28/2008 18:37:00]yeah~ 不過仍然仲有好多野!!
睇黎好好味,
回覆刪除e, 轉左background喎你hehe~
good~
[版主回覆01/28/2008 18:37:00]Thank you!!
我想整焗薯, 因為我估會方便 d
回覆刪除[版主回覆01/28/2008 18:37:00]但焗薯要焗好耐呀!
個田螺點整架?? 好好味咁喎! 但我好怕佢un...... 你下次可以炒埋d洋蔥呀~~ 用牛油炒已經好好味, 好甜架~~
回覆刪除[版主回覆01/28/2008 18:38:00]個田螺係現成急凍買返黎..佢已調晒味!! 放入焗爐焗15MINS就得!!!
妹妹
回覆刪除你真係冰雪聰明啊
有時清雪櫃而做出既製成品，會令自已好滿足啊
好愛你啊！你實在聰明豆
家姐上
[版主回覆01/28/2008 18:40:00]家姐..
我睇返唔夠完美呀... 我仲欠個甜品!!!!!
聰明仔食聰明豆...yo!!
妹妹上
好正ar!!~
回覆刪除[版主回覆01/28/2008 18:38:00]Thank you!!
嘩~ 你清雪櫃咁開心啊! 我都好鐘意既!
回覆刪除我覺得雪櫃有乜先煮乜係最難, 難過煮九大"鬼", 但又好滿足喎!
好可惜.........
我個雪櫃, 除左蛋糕材料, 就乜都無!
想煮個麵都無餸啊!
[版主回覆01/28/2008 18:43:00]我都係咁話... 要按住雪櫃/家中有既材料去煮一餐飯,,真係每日俾自己既一個挑戰!!!! 尤其我呢d每次都要買定一個禮拜既餸, 邊可能諗好煮乜先買... 見餸就買, 買買埋埋,, 每日就要諗, 煮乜好??
你下次可以煮藍梅米粉... 士多啤梨忌廉湯... 老麵饅頭呀!! HEEEEEEEEEEEE
wa..睇個樣就覺得好食
回覆刪除[版主回覆01/28/2008 18:44:00]Thank you!!!!
好正呀! 上次我係"Carrefour"都見到呢隻田螺, 好唔好食架? 我剛剛都開了個Blog, 得閒入去睇下啦 , 可以交流下杜拜好食ge地方
回覆刪除[版主回覆01/28/2008 18:45:00]HIHI,,, 好開心又識多個香港人@杜拜啦... 你多D update同我地分享呀~~
呢隻田螺都唔錯架!! 可以一試~~
我至愛嘅"西蘭花"
回覆刪除[版主回覆01/28/2008 18:45:00]西蘭花好有益架!! 食多D~~
你個晚餐好正呀...清左雪櫃之餘又有餐豐富野食..
回覆刪除[版主回覆01/28/2008 18:45:00]我終於可以放低心頭大石, 唔洗成日記住D野就過期仲未食!!
西餐都煮得好好啊！
回覆刪除[版主回覆01/28/2008 18:46:00]過獎啦..好多都係就咁焗,, 唔洗點煮!!
唔可以再好似個病人咁，成日屈係左床度架！病都要巡下blog，個人先無咁病！
回覆刪除食藥食都無哂胃口，食慾不振，妳呢餐咁豐富都要講聲sorry，我唔食喇！
[版主回覆01/28/2008 18:46:00]係啦,, 出黎巡下blog... 個人無咁悶呀!!!!
你會好快好返架啦...唔好擔心~ 為你祈禱!!
hi~ 我第一次來就看到美味的西餐 ～ 超好味喎！
回覆刪除[版主回覆01/28/2008 18:47:00]多謝~~
你好勵害啊！每天都為自己所喜歡的人製作不同的美食，有你這樣的心機，真不容易，繼續努力！令我感覺到幸福的滋味！
回覆刪除我鍾意食羊排呀! 好多蔬菜wor好健康呢!!!!
回覆刪除嘩! 有田螺食好野!!!
回覆刪除睇了就流口水~加你為B！友。
回覆刪除每日都為我地帶來surprise~~ cheers~!!!
回覆刪除成日睇完你個blog之後,
回覆刪除都想煮好野比老公食,
但因為我要返工,
又要學整甲,
無乜時間整比佢食,
不過我諗呢啲都係我既借口...哈哈
我想請教你一樣野,
如果係香港坐飛機去杜拜要多少時間,
三月份那邊的天氣會是什麼樣,
因為嚟緊呢個三月,
係我同老公兩週年結婚紀念,
老公係上年已經答應我兩週年同我去杜拜,
所以我想問吓你一些資料...
十萬分感謝...
[版主回覆01/29/2008 07:43:00]係香港坐direct flight過黎要9個鐘,, 返去8個鐘!!
三月份既天氣應該唔會太熱... 廿幾度吧!!! 最熱係七至九月..千祈唔好黎!!! 十月係齋戎月,, 又係唔好黎~
如果過黎玩..早D book帆船酒店27/F Friday brunch buffet...係最好味&最抵食既一餐.... 佢要預早一個月book枱架!
個焗薯張獨照好似隻火雞咁大﹐又焗得咁靚﹐ 我以為你整左麵包加哩雞呀﹗
回覆刪除我都好耐冇清雪櫃
回覆刪除不過雪櫃只係得龍少宵夜必備..... 珍珠雞!!!
好豐富美味ge西餐
回覆刪除哈哈!這樣都比你諗到喎! 醒目呀! 我很喜歡食田螺, 可惜我家相公唔食呀! 如果自己一個食好冇引呀!
回覆刪除Diana ~~ 好 good 阿 呢餐
回覆刪除清雪櫃行動整出來既一餐 精采豐富呢
焗薯好靓阿 顏色好吸引 見到都好想食
呢餐西餐 presend 得真係好
屋企有個焗爐幾好用wor, 田螺好正!
回覆刪除你就好啦...係啲食物過期前都清得晒佢...我就通常一清雪櫃時先發覺...呢樣過期, 嗰樣發晒芽唔食得....哎...咪就係自己懶囉....
回覆刪除D薯仔有冇放到出芽呀?!
回覆刪除有就唔好食啦, 有毒ga!
好豐富喎~
回覆刪除個湯得唔得？咩牌子架？
成個聖誕大餐咁!
回覆刪除真係唔該晒你呀,
回覆刪除我諗我地會跟團,
因為都係第一次去,
怕好多地方都唔識...
D焗薯要焗咁耐嫁....!!
回覆刪除清雪櫃行動唔錯喎..用焗爐又真係幾方便下...等我都試下先 ^_^
回覆刪除你好呀! 原來你住係我最鐘意的杜拜呀.
回覆刪除