平凡是福

啱啱呢邊放完三日大假... 大少日日都係屋企倍住我!! 我地無乜特別去邊到玩, 去邊到食野... 日日瞓到自然醒.. 醒後可以好悠閒咁煮午餐, 睇下電視, 傾下計... 甚至攬住一齊打機..  好開心!!! (唔好意思.. 所以呢幾日少左去探你地~~)

放假既日子就係我懶蛇上身既時候... 大少尋日為我煮既午餐... 老實講, 雖然唔係咩特別野.. 但每當我好肚餓既時候.. 我第一樣想食既野就係佢 ---- 出前一丁/福字麵!!

日日我都係到同大少講,, 好想食福字麵!!  不如唔好煮飯食福字麵咯~  但每次都唔成功...

大少為我煮既福字麵... 我覺得比起珍餿百味更正!!! 

佢自己個碗,,份量打孖!!! 個圖畫好似有個人係到笑得好開心~

今日終於'的'起心肝焗朱古力香蕉蛋卷.. 之前做過士多啤梨好成功... 一直都好想再做..但基於又係懶惰既原因... 所以~

今次做得無上次咁靚... 個蛋糕焗厚左..攪到個蛋糕卷完好肥仔... 成隻巨嬰咁!!! heeeee  同埋可能顏色問題?! 全啡..睇唔出個層次感!! 但口感卻very GOOD喎~  蛋糕超軟熟.. 朱古力cream夾香蕉好正啊!!!   

又係個盒士多啤梨!! 我最後都係掉左,, 因為見到有d開始發毛啦~

其實我自己好鐘意鮮色既color...e.g. 紅, 粉紅, 黃, 橙etc... 好sharp!! I like it~

最近發現部相機影相無以前咁靚!! 其實係我心理作用, 定係真係用得多退化左?? 以前初初買時,,求其影都又清又sharp,,依家故意定手影都會矇~~  唉!!

我開始係咁催眠大少買部DSLR... 因為見到朋友影得d相真係好靚!! 不過嫌麻煩既我又唔想攞咁大部野出街.. 好矛盾!!! 

希望同事們會鐘意食啦~~~