中東菜?

尋日提過我打去架勢堂同森美小儀傾關於杜拜既野...  中間提及到中東菜式!!!

d人成日問杜拜菜/中東菜好唔好食?  其實中東無乜特別自己既菜式稱為中東菜,, 呢到d人多數都係食印度菜or黎巴嫩菜!!  黎黎去去都不外乎烤羊/牛肉, 烤雞, 烤餅, 咖喱,, 長條型既飯... 等~  但可以提一提中東有樣最最最特別既野就係.. 任何咖啡甜品都係超甜,, 甜到眼盲!!!!! (好難頂~)

當然,, 呢到都有好多西餐廳... 好多中東人都鐘意去食!!  我地都唔例外,, 久唔久都會一齊出去食飯,, 尋日我地就去左一間叫做Moka既西餐廳食晚飯~

呢到既西餐廳例必會provide一藍麵包,, 質素一般都唔錯架!

我每次出街食西餐既指定菜式必定係義粉!!! 仲要係茄汁海鮮義粉,,我唔鐘意白汁!!  不過今次我叫龍蝦義粉... 價值港紙約$110!! 

初初黎呢到出街食飯都覺得好貴 (本地菜除外!)  閒閒地一碟飯或義粉都過百元, 飲碗湯都要四五十蚊!! 不過依家都慣左,,, 好多時都唔理價錢.. 樣樣都係貴,, 不如揀樣自己真係想食既叫..又唔係成日出去食.. 豪返俾佢~

同事M既雞肉凱撒沙律.. 呢到d沙律都唔錯,, 幾新鮮~

同事A既羊架....  啊~ 鐘意食羊既朋友,, 中東好啱你.. 呢到d羊真係唔錯,, 又平又好味(我指自己買黎煮的話)!!

大少既炸魚塊飯...  d魚都幾好味, 起碼我唔識咁樣煮!!!!

係中東食飯, 幾乎99.9%既餐廳都係唔provide 水,,要飲一定要叫一枝,,一般都唔會太貴... even帆船酒店一枝水都好似係五六十蚊到!!  反而叫果汁就要二三十蚊杯.. 仲要唔似係鮮榨,, 似加左好多糖水!! 所以我地多數都會飲水就算~

我今日同大少講... 不如搵日我地去住間超超超超豪酒店囉!!!  黎左杜拜咁耐,, 個個都問我杜拜係咪好靚? 人地話去完好值得去, 係咪呀?? 人地話一生人一定要去呀, 係咪呀??  

我好奇怪點解我真係無咁既感覺??  難道真係我睇漏左, 試漏左d野?? 我諗唯一我同其他人唔同既係.. 我未住過呢到d靚靚酒店囉..?!  可能住過帆船, 沙漠, 運河酒店後, 我都會對杜拜有另一番感覺!!!! (大佬... 成萬幾蚊萬,, 俾我住的話, 我個一晚必定死都唔會訓,, 實牛咁眼咁周圍欣賞每一個角落~) 哈!