冬日之卷

前幾日見到好耐之前買既一包日本腐皮就黎到期,, 心思思想整壽司食... 終於尋日'的'起左個心肝去準備呢餐晚飯~

包壽司一d都唔難... 只係有少少麻煩.. 但其實比起煮一餐飯, 都算係容易攪,, 唔洗準備太多功夫~~

經過上次經驗教訓, 今次整左三條壽司,, 已經好足夠!!!!  原本我都係卷傳統"圓圓"壽司... 但古靈精怪既大少問我點解唔整方型?? 我求其打發佢話 : 方型做唔到架!!! 點知佢吼我炒緊菜時自己走去將條圓型壽司變成方型!! 激死~

今次無特登去買日本黃瓜... 一來貴, 二來買一條返黎實食唔晒.. 好浪費!! 所以今次材料只有青瓜, 蛋, 肉鬆 & 煙三文魚!

就係為左呢d日本腐皮,, 所以我就做左呢餐日式料理!!!  一盒有成12塊,, 我地食得個四塊,, 我又要諗下點處理埋其餘既份量??

腐皮壽司入面我包左少少肉鬆,, 有d就咁白飯... 自己倆口子係屋企食,, 求求其...咩都得啦~~ 

仲有一碟鮮魷炒西蘭花! 原本想學日式用牛油炒.. 諗諗下怕肥都係算啦.. 用返橄欖油算~

之前煲既蜜瓜湯仲有剩,, 啱啱好一人一碗... 大少食到'lam lam 脷'呀!!! 

最近天氣反常... 中東地區凍到得十三四度.. 仲要落埋雨添!! 我地有個問題疑惑左好耐... 唔知邊到有傘賣???