遲來的HOT, 遲來的DOG

上星期家姐(大少奶)話帶我食狗!!! 我問: 食狗肉?? 佢話去打擸喎!! 同家姐講野要頭腦清醒, 否則好易俾佢帶我漫游太空,, 好易墜入唔知講緊乜, 做緊乜既境況,, 哈哈!!

今次同行仲有突然出現既菇菇姐,, 我地去較近我地既炮台山食HOT~~~~ DOG!! 係杜拜好少有豬肉腸食.. 聽到有得去食熱狗,, 勁開心呢!

以前細個都有諗過係間屋到放塊大黑板,, 因為細個好鐘意扮老師寫黑板.. heee 大個當然唔會咁諗啦.. D粉筆咁污糟!!!! 但原來咁樣將d menu寫晒出黎, 其實幾有feel,, 仲多左一份親切感!

我既芝士腸熱狗... 我自己覺得好好味!! 新鮮熱辣... 仲有好多配料任你加.. 唔會隻隻一式一樣... 啱晒所有人口味~

呢個係家姐既法蘭克福熱狗!! 原本我都想叫.. 但食埋同一款,, 好似好無新意... 我怕家姐會話我唔夠'型'呀!!!

我同家姐都叫套餐跟薯條(即叫即炸),, 呢到已係兩人份!! 太多啦...

呢份係菇菇姐既雞肉漢堡... 好厚呀!! 一度令菇菇姐'不知點食好'?

雖然呢間店鋪面積好細好細,, 得兩個高櫈坐位... 所以想去食既朋友唔好諗住去個到邊食邊吹水.. 

**************************************************************************

當日真係好開心... 其實都唔洗特別講.. 我們這一家, 有時唔洗講太多都會知道大家既諗法.. 好good feel呢!!! I love my family~

家姐,, 知道你百忙之中都抽空帶我食狗狗.. 好開心!! 仲有你個小型生日蛋糕,, yummy!!!

菇菇姐,, 好開心你個日都出黎... 令我地既約會更加完美!! 好彩我地去星巴克有露天位, 否則又要你老人家同家姐去搶櫈呀,, 哈哈!!!

熱狗店資料：Toppings

地址：炮台山電氣道AIA tower後一條街