相聚於洲際

連續兩日都相約Cindy食lunch..

今次, 有幸痴住Cindy以優惠價去試下洲際酒店既Lunch Buffet

雖然聽Cindy講當日比起往時較多人.. 但我地坐既位置都算較隱閉, 所以都無礙我地暢所欲言~~

望出窗外就係星光大道,, 如果同大少黎食,, 我一定會捉佢倍我出去行一陣, 談談心!

食物無令我失望,, 高級酒店真係有保證... 每一樣食物都令人滿意

平時去食buffet, 一定唔會食燒味... 但由於太耐無食過啦, 都夾左幾舊!! 好好味~~ 尤其件燒鵝..正!!!

呢碟係用蟹肉切成既"一舊食物",, 真係好好味.... 啖啖蟹肉!!

另外Cindy極力推介既中湯都好好味... Cindy知我平時少湯水,, 特別提醒我要多飲幾碗.....heeee

但甜品方面就比我想像中少款式... 加上當日掛住同Cindy雞啄唔斷,, 臨尾出去攞甜品時, 好多都俾人清晒!!! 

同Cindy 由下午12點半又食又傾直到3點... 時間過得好快,,, 女人傾起計上黎真係唔知時間~~ 原本想再去附近逛逛.. 可惜Cindy有事要做,, 我地唯有再相約下次傾過啦!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

等車返家期間, 記起之前收到一張做massage既單張做緊優惠..  對於我呢D閒人黎講,, 即刻打個電話去book黎試下先!!

試完後個感覺好舒服... 按摩姐姐原本係中醫館做, 所以一按就知我邊到有問題, 一按即到點!!! 正到爆~~~ (我舒服到訓著咁制!! 平時我係好難會訓著既人~)

後來服務員向我推銷10次優惠只需$2,080 (送多兩次按摩+兩次按腳) , 為起每50分鐘都係150蚊唔洗... 勁抵呀!!!!

係個一刻,, 我又覺得住係香港好幸福呀!! 平時我係杜拜按泰式massage都要四百幾蚊一次架!! (仲要無舒服)

所以, 我又買左呢個package...係我走之前得閒就去按下摩... 諗起都"梳乾"呢!!! (大家唔洗驚,, 呢個package 可以帶任何人去做都可以一齊扣數!! 咁就算我唔係到都可以讓俾daddy去做, 一定唔會expiry!!)

Karen...

呢間野係太古城道39號匯豪峰地下B及C鋪 (好近我地上次食日本野個到呀!!) tel : 2811 9775/2811 9776

你有興趣可以試下,,雖然無我地之前去個間咁大規模...但我試個位姐姐手勢真係唔錯呢!! (Eva) 有興趣就去試下啦!!