臨返杜拜前兩日, 大少突然話要改機票遲多一日先走, 目的係想去澳門睇ZAIA & 約舊同事聚一聚舊!
就係咁, 我半夜打去改機票, 第二日同YY Cake 食完lunch就急急腳返屋企執件衫走佬!
初時仲以為會去舊同事屋企借宿一宵, 點知大少堅持要住威尼斯人,, 佢話我之前講過好想去住一晚, 橫掂睇Zaia 順便住埋!!
今次去澳門, 真係明顯少左好多好多人.. 仲要登記成為威尼斯人會員, 送單程船飛! (做左會員, 下次坐去'乙水仔'既船飛都係free, 回程則需要係賭場內玩一個鐘, 又會送一張船飛!)
之前見到人地去威尼斯人影既相, 覺得好靚, 好想住.. 但睇得多之後, 又覺得無乜特別! (原來佢地張sofa係Sofa床黎架, 一間房基本上可以住四個人, 四個人share房租又唔貴喎~ 姊妹們, 我地可以搵日四個一齊去)
不過張床確係好舒服, 我同大少一訓就訓到第二日十一點半 (十二點要check out!)
酒店房既廁所超級大, 好鐘意雙人面盤, 如果將來屋企都有就好, 可以一齊梳洗, 哈!
之前都黎過威尼斯人一次, 但個次係半夜先黎, 全部店都close晒, 又無表演睇; 今之再黎就熱鬧好多, 有表演者唱歌劇, 有人撐船, 有人做街頭石像, 真係有"半秒"感覺自己係置身係歐洲
要咪埋眼咁企係到真係一D都唔容易, 我玩瑜珈時試過, 成日都會左搖右擺架!
唔知佢係男定女? 佢D眼睫毛好長..hee
呢個仲勁, 要睜開眼都唔眨咁企係到, 但對眼又無乜紅筋!
最近經常報導經濟開始大蕭條, 尤其澳門既賭業將會更加慘情(因為中國政府限制內地人仕去澳門既簽証), 眼見澳門一下子起左咁多大型靚酒店, 又請左咁多外勞黎做野, 如果將來經濟真係差得咁緊要, 咪會有好多人失業?!
最後我地都係無時間睇Zaia, 不過唔緊要啦, 如果佢地一日長註係澳門, 遲D應該仲有機會睇!
Zaia Theater Area, 好靚呢!
今次去澳門逗留只有剛好二十四小時, 除左酒店外, 仲去左'乙水仔'官也街食晚飯& Lunch
原來官也街附近既環璄好靚, 好似去左迪士尼咁, 每間餐廳都矮矮細細, 顏色又好colorful, 可惜當日太曬啦, 我熱到乜野mood都無, 所以無影相, 下次有機會一定要再去啊!
臨走前係碼頭見到一個咁靚既日落, 都算不枉此行!
沒有留言:
張貼留言