半日安@花盃

啱啱飲完甜甜個餐, 我地幾個瘋婦(家姐大少奶, 索龜G & 地門茄) 又急不及待要聚多次

今次地點係阿茄之前介紹過既"花盃"食鐵板燒, 之前都驚有師父係面前serve我地, 會唔會影響我地暢談呢? (我地有好多話題都唔出得街架麻) 點知個師父又幾nice, 同我地都有講有笑, 搭到下訕喎!!

由於佢地係半日安會遲來, 師父見我等左一陣都未有人到, 好細心咁問我想唔想試下佢整既麵包, 有野食當然say yes 啦!

呢樣係由方包不斷壓扁而成既脆脆餅, 做法好似好簡單, 但都好花時間, 師父不停壓扁麵包, 將空氣排走, 最後會變成好脆既texture! 說時遲, 那時快, 佢地認真識揀時候, 一黎到就有得食啦!

四個人order左四份set lunch, 大家share黎食, 雖然望落份量唔多, 但不停係咁食, 到最後都好飽啊!!!

 

(上) 沙律 , 超級滑漏銀雪魚
(下) 帶子 , 特大虎蝦

 

我至愛既鵝肝啊!!! 真係超香超正,,, 如果唔係食得多對身體無益, 我真係會成日都買黎食!

 

五成熟既薄燒牛肉 & 日式炒飯 (去到呢到大家已經開始食唔落啦!)

 

麵豉湯 & 炒芽菜

最後當然唔少得甜品啦!  呢個應該係凍燉奶, 初時大家都有少少失望唔係芝士餅, 但食過呢杯凍燉奶後一致好評啊!!! 果然有驚喜~

啱我口味既咖啡, 仲可以Refill, 可惜當時真係太飽, 只可以淺嚐一小杯咋!!

雖然一個Set Lunch 平均都要HK$250, 一d都唔平, 但以質素同服務黎講, 都算係超有所值!  下次有機會再同大少黎試下個懷石料理套餐先~

地址 :

銅鑼灣新寧道8號民安廣場2期2樓

仲未完啊!

難得佢地肯半日安, 我地當然要血拼一番, 再踩入K 場唱兩咀,,, 但後來發現我地呢班阿毛, 仲停留係林憶蓮, Sammi, Joey既舊歌時代,, 係最新K歌既list完全搵唔到一首識唱,, 點算, 點算, 點算??