神啊, 我愛你呢!

主啊!!! 祢對我實在太好太好啦~~

就係呢一刻, 我又切切實實地感受到凡事不用憂愁, 只要信, 主一定會安排更好的給我們!

大少今晚要坐半夜兩點機去馬拉開會, 會議於六日舉行, 星期日晚就會返黎,

由於所選擇的Airline每日只有一班機到達KL, 半夜出發, 到達時便是第二日上午十一時多,

所以唔可以等星期五先走, 否則趕唔到星期六既會議... 就係咁, 佢前後會唔係屋企四日三夜!

之前一直擔心大少唔係到, 我一個人唔知點過...

雖然平時係香港都習慣一個人住, 但香港還香港, 仍然有朋友, 有吉之島作伴

係呢到, 真係會悶到發慌!!!!  連唯一既香港朋友都返左香港,, 我仲可以點??

正當我煩惱緊黎緊三日有乜野做好, 懊腦緊唔知今晚一個人訓唔訓得著時

大少來電~~~

我 : 喂, 點啊? 攪掂晒啦??

大少 : 唉吔,, 我要依家返黎啊!!

我 : (好驚中,,, 因為佢個喼係我幫佢執, 好怕執漏/錯野!!) 點..解啊??

大少 : 因為班機delay 啊!!!!

我 : (下,, 唔係掛..) Delay到幾時啊? (Delay個幾兩個鐘就唔好返啦!)

大少 : 聽朝十點啊! 我依家返黎訓啊!

我 : 哈, 咁攪笑, 哈哈哈!!! 咁你聽日十點先飛咪仲fit!!!! yeah (開始自我陶醉中..)

大少 : 唔講啦, 我依家坐車返黎, 88

哈!!!!! 可能神見我呢兩日有D憂慮,, 話晒一個人身在異鄉... 所以為我作出此安排..哈!

真係感恩得很!!!

雖然大少仍然會離開我兩日, 但我真係好感謝神既看顧!!!

*********************************************************************

前兩日做左檸檬果凍, 果凍粉係台灣買, 好好味!

用啫喱模做出既形狀好靚,, 好晶瑩通透~

最後我仲做左個特飲俾大少, Perrier加檸檬果凍, 加少少糖漿就好似台式愛玉冰!

大少話我講到咁好飲, 就算擦左牙都要試一杯!  但當我整完先同佢講 : 其實呢杯野我未試過飲, 不過我估應該會係好好飲! 哈~

最後都成功! 好味呢~ 

(打完呢篇野, 大少啱啱返到屋企!! yeah~)