是日晚餐超簡單, 而且美味, 最啱好似我呢d唔係好識煮魚既人, 簡直係驚喜之作! 哈哈哈~ (我太唔知醜!!
)
點解我會咁雀躍?
因為我愛吃魚, 更愛豆腐...
屋企有半磚豆腐未食, 諗緊點煮之際, 俾我諗到將佢同魚二合為一
效果出黎超正, 豆腐吸晒魚汁, 好入味... 所以一定要同大家分享!!!
呢條'咦'名叫Seabean, 中文我唔知係乜, 而且我都唔識分邊條魚打邊條?! 總之望落好似幾新鮮, 應該唔難攪既, 我就會買!
材料 : (我食過後認為加埋紅椒粒會更野味!!)
魚一條
布包豆腐半磚切片
薑&蔥段適量
紅椒切粒
調味料 :
蠔油.... 2湯匙 ; 豉油 ..... 2湯匙 ; 酒 .... 1 湯匙 ; 糖少許 ; 水....一碗 (我太約估返出黎, 大家要自己試味)
做法 :
1) 將魚洗淨抺乾, 係肚上界三刀(以便熟) 酒上鹽備用
2) 落油起獲, 落薑略兜, 再慢慢將魚放入獲
3) 大火煎至金黃, 返轉再煎另一邊
4) 將調味料, 蔥段 &豆腐倒入獲, 蓋上蓋炆兩分鐘, 再反轉魚炆三分鐘 (驚唔熟, 可以用筷字篤一篤睇下穿唔穿得過)
5) 最後調味料應該收汁, 可以試味(唔夠咸加豉油, 太咸就落), 攪掂!
依家開始煮飯都會刻意少糖少油少鹽, 為求健康啊!!!
大家唔洗擔心我啊!
我只係怕自己會容易患上糖尿病, 因為我睇報紙話大肚腩既人比起一般人更易患上糖尿病,, 我自知個肚腩超大, 所以認為為著自己健康著想, 真係要的起心肝開始戎口, 唔好乜都食得咁盡... 仲有要做我至憎既運動! 唉~
111111111111111111111111
回覆刪除[版主回覆10/28/2008 12:31:00](Empty)
掂啊!!你呢個二合為一既餸,既健康又好味!!我真係同你一樣,完全唔識分咩魚咩魚架!!哈哈~咁你呢條買既時候仲識唔識游水呢?原來你係怕大肚腩有糖尿,被你嚇死啊!!大肚腩咋麻!!我果個過到黎米國之後,日益愈大啊!!慘呢~~
回覆刪除[版主回覆10/28/2008 12:32:00]呢到買魚無游水架, 全部都係屎魚, 唯有揀睇下邊條新鮮D咋!!! 我今次見呢條魚無乜鱗, 我仲自己劏添啊!
我個肚腩真係超大,, 又肥到屎!
你個腩都叫超大? 玩野咩~
回覆刪除[版主回覆10/28/2008 12:32:00]小姐, 我個肚都唔算大, 唔通你叫大咩??
阿靚你咁犀利o既~識得寫食譜!! 唔使擔心咁多, 你注意吓飲食, 留意吓自己身體狀況 應該無事o既, 我屋企成屋都係糖尿人, 要驚都我驚先呀~
回覆刪除[版主回覆10/28/2008 12:34:00]其實每次我自己亂煮完既餸, 如果好味, 我都會記低, 因為我怕下次煮唔返!!! 煮飯好玩在亂煮都有驚喜, 但整蛋糕麵包我就無咁既本事!
我會盡量戎重味&油膩野... 你都係啊!
"呢條'咦'"....好搞笑...
回覆刪除條魚煎得好靚呀.....半專豆腐有咁多既
[版主回覆10/28/2008 12:34:00]因為呢到既一磚豆腐好大隻, haaa
呵呵! 你個肚腩都唔算太大啦.. 不過健康唔係二朝一夕可以得返黎.. 努力 keep 住啊
回覆刪除[版主回覆10/28/2008 12:34:00]如果我可以好似你地咁瘦, 我就唔洗愁!
我都係最愛豆腐呢!!!
回覆刪除我都驚有糖尿病...你知我幾中意食甜野啦
[版主回覆10/28/2008 12:35:00]你真係要小心,, 唔好食咁多古古力..
不過其實糖尿病主因都唔係完全因為食甜野, 食得太咸, 太油, 食野唔控制都會架!
嘩...你呢個餸又有益又健康..多吃無妨呢...
回覆刪除[版主回覆10/28/2008 12:35:00]多謝讚賞!
少糖少油少鹽個煮食方法唔錯,現家身體健康最重要
回覆刪除[版主回覆10/28/2008 12:36:00]係啊,, 我一諗起如果有糖尿就慘, 一世架啦! 我真係唔想有...
e.........你開始寫食譜喎!!!
回覆刪除這款魚我成日整,因為愛豆腐吸晒d味,好好食架....
[版主回覆10/28/2008 13:13:00]哎吔, 唔算係寫食譜, 只係記低點煮, 費事下次唔記得咋!!!!
D豆腐吸晒d魚汁同蠔油...一定好好食呢....
回覆刪除其實阿包都好鍾意豆腐....成鬼日叫我整...就咁蒸佢都覺得好好食.......搵日我又試下你呢個先.....
你個肚唔算好大....keep住食得健康d...應該無乜問題啊....放心啦
[版主回覆10/28/2008 14:38:00]豆腐超好味, 又飽肚, 又唔肥! 我至愛~
但我屋企人有糖尿, 所以我怕我係高危一族啊!
無乜好擔心喎! 都唔係真係發生
回覆刪除平時食得正常, 多做運動, 想有病都難喇
唔通為左擔心而唔食蛋糕咩, 無奶油嘛! HAHAHAH
[版主回覆10/28/2008 14:37:00]最慘係我平時食得唔算好正常, 一見到鐘意既野就狂食, 運動又唔係日日有做.. 唉!
我可能可以忍口唔食, 但我知你實唔得啦, 睇相佬都叫你一定要食甜野啊! haaa
好好味ar!
回覆刪除[版主回覆10/29/2008 06:02:00]thank you!
事實, 真的是教會"美化"的那樣嗎?! 有空請去看看: http://hk.myblog.yahoo.com/leo_new36/ http://leoinfo.spaces.live.com/
回覆刪除靚: 你好叻女啊 識整d貢中式既晚餐呀.......而且連食譜都寫埋, yeah!!!!!
回覆刪除如果你擔心同懷疑的話, 555555去搵醫生check o左先 ~
當然以後食野都盡可能keep住啦 (我就係成日忍唔到口)......不過, 大肚腩既人比起一般人更易患上糖尿病..........貢我都係超高危一族啊 =.=
[版主回覆10/29/2008 06:02:00]索g,
其實中餐好好玩, 你有基本經驗, 基本上點煮都唔會太難食...
我仲驚啊, 因為我屋企人有架, 可能我都會有遺傳,.. 大家要小心, 做多d運動會好d!
你煮咗2餐晚飯囉喎
回覆刪除[版主回覆10/29/2008 06:00:00]我基本想日日都要煮啊, 因為呢到出街無野好食!
買禮物是非常頭痛的事，假如可在家裏選購禮物，你話幾好呢!本網站為了減輕都市人的腳骨力，我亦肯為大家搜羅又得意又能令大家滿意的貨品。
回覆刪除Yi ? 有魚魚有菜菜但係冇整肉呀？
回覆刪除[版主回覆10/29/2008 17:08:00]魚都算係肉啊! 兩個人食唔到咁多野啊....
2008 麥兜炎炎冬日大特賣
回覆刪除歡迎下載優惠劵 ，或者傳閱給親朋好友！
敬請留意大特賣推介產品！
http://hk.myblog.yahoo.com/newsletter_regentlane/
If you have black fungus you can put some strips of them inside too... black fungus is good for blood and it has detox function too, it tastes great along with the tofu too.
回覆刪除[版主回覆10/29/2008 17:08:00]係咪即係黑木耳????
係喎, 放入落去煮應該都好夾味.. 多謝你既建議啊!!
你都越黎越叻啦,
回覆刪除D豆腐索晒D汁, 真係好好味呀!!
[版主回覆10/29/2008 17:06:00]氣客啊, 其實應該係我以前唔知係邊到 食過, 所以有印象而煮返出黎...
我想試跟你煮喎, 呵呵... 謝!
回覆刪除[版主回覆10/29/2008 17:47:00]多謝俾面啊~~
我都驚有糖尿病，我都係有一個大肚腩又鍾意食甜野！
回覆刪除[版主回覆10/29/2008 23:08:00]噢, 咁你都要小心身體啊!!!!!!
煮得幾好la!和我相比下,我煮的食物....
回覆刪除不堪設想.......
想健康d,最緊要多飲水,護膚....
你現在應該都很健康吧!
[版主回覆10/29/2008 23:08:00]thank you