十月果然係結婚既好日子, 記得上年十月都係有好朋友結婚, 不知不覺轉眼間又一年!
去到我呢個年紀會有越黎越多既朋友結婚, 見到好朋友搵到自己既Mr. Right, 真係好替佢地高興, 希望陳生同Vanlily永遠都幸福快樂~ 
場地以紫色同粉紅色為主, 我地都應主人家既要求著上紅色tone系列
感謝主今日無打風, 無乜落雨, 大家都可以開開心心咁去飲呢一餐
Vanlily好俾面我地啊, 安排我地坐得好前... 我地可以好清楚見到新娘子笑得鬼屎咁甜, 陳生鬼屎咁感性...
當我地知道個結婚蛋糕係藍色大門"煮"持人負責後, 我地班為食貓個個都一早到場等切餅, 哈~ 個蛋糕真係好靚, 最難得係個份心意啊!
而餅神Vanlily都無偷懶, 聯同各姊妹趕工做出曲奇做回禮禮物, 仲有Sweet Sweet結婚相附送, 我即時拆左黎食,, 好好味呢!
平時去飲我至愛既就係等炒粉麵飯 + 美點雙輝呢part, 就算飽到痴線都一定要食啊!!
呢晚我同Tan Tan 好似餓鬼咁食左好多, 仲要攞埋隔離枱食淨個d 打包返屋企 (糯米糍同合桃酥真係超級好味啊!!)
老實講, 平時我唔係好鐘意去飲宴場合, 因為實在太悶, 同埋好多時都會攪到好夜! 但今晚真係好開心, 可能因為全枱都係啱傾啱玩既朋友, 食起上黎, 玩起上黎都份外投入, 連坐地鐵都開心過人
!! 哈哈~ (我真係好愛你地呢班傻婆)
其實最好食嘅就係最後嘅甜品...不過好多人係個時都食到好飽
回覆刪除[版主回覆10/08/2008 02:44:00]我飽到死都一定要食, 因為最好味, 我反而好怕係生果拼盤, 毫無新意!
睇住佢地由求婚到結婚真係覺得佢地好幸福~
回覆刪除你地成班玩到噤熟去飲一定好熱鬧...好羨慕呀!!
[版主回覆10/08/2008 02:43:00]緣份呢D野真係好奇妙!
靚: 你好叻嫁, 貢快已經post o左 blog ~
回覆刪除我琴晚過相既時候對眼已經合十o左, 所以仲未post呢 ~
個合桃酥的確好味, 我都食o左兩件啊 ~
e.........係唔係我令你坐地鐡都如此開心呀, 呵呵呵 ~
你今日又可以開心過呢 ~
[版主回覆10/08/2008 02:43:00]索G,
你最抵錫, 時時刻刻都咁得人鐘意! 但平時一個人坐地鐡就唔好咁啦, 好危險呢!
真係好sweet! 尋晚見到陳老太同陳生相擁面哭, 我d眼淚都爭d決堤呀! 尋晚真係好開心, 都好耐無試過咁大棚friend一齊去飲
回覆刪除[版主回覆10/08/2008 02:42:00]你唔好咁眼淺, 我怕你將來結婚咸到收唔到聲啊!
我都好鍾意去best friend's wedding ceremony, 好touching～～ 見到好友尋尋覓覓之後，搵到真正的Mr. Right, 真的超開心呀～～
回覆刪除[版主回覆10/08/2008 02:41:00]無錯無錯!
無錯..陳生真係好鬼感性...第一次見新郎激動過新娘啊....睇得出佢真係好珍惜甜甜呢...
回覆刪除[版主回覆10/08/2008 02:41:00]哈,, 佢地真係好好笑, 但又好鬼甜蜜, 你記唔記得陳生未宣讀誓詞已經想錫甜甜啦!
無錯..陳生真係好鬼感性...第一次見新郎激動過新娘啊....睇得出佢真係好珍惜甜甜呢...
回覆刪除參加過唔少婚禮, 我都係第一次見到新郎喊! 好touching!
回覆刪除琴晚我都好開心....坐得咁前甜甜對我地真係好~~
同你地去飲真係好happy...我地又攞埋第二枱既野食
撘地鐵走果陣仲搞笑啊
[版主回覆10/08/2008 02:40:00]陳生好好笑, 但真係好感人呢!
Tan Tan, 我地唯一美中不足係搶唔到合桃酥! 唉~
嘩........個蛋糕真的好靚呀!!!
回覆刪除這場婚宴真的好特別,有blog友席呀!!!
[版主回覆10/08/2008 02:39:00]佢仲有兩圍係for 餅友架! 勁啊~
做卜友做到去飲喜酒, 果真有緣....
回覆刪除[版主回覆10/08/2008 02:39:00]係啊, 緣份真係好奇妙!
How sweet!!!! SO happy to know all went so fantastically well that night! NOW, it is your turn
回覆刪除[版主回覆10/08/2008 02:39:00](Empty)
你能夠係現場見到陳生陳太婚婚果一刻, 一定好感動!!!
回覆刪除個結婚蛋糕真伙好靚, 連你地都排定隊等切餅, 一定好好味架!!!
[版主回覆10/08/2008 02:39:00]原本會有待應派蛋糕, 但我地好似餓鬼咁自己去攞, 等唔切佢地派,, 哈!
估都估到佢地實甜到漏啦
回覆刪除[版主回覆10/08/2008 02:38:00]無錯!
個蛋糕真係好靚，一定好好味！
回覆刪除[版主回覆10/08/2008 02:38:00]如果鐘意食butter cream , 一定鐘意
雖然我無份出席，但也能感受到陳生陳太的喜悅啊！
回覆刪除咁。。。幾時到妳同大少呀？
[版主回覆10/08/2008 02:37:00]你呢個問題...問得好! 但我都唔知啊~
可以參加餅神的婚禮真係好高興啊!!!!佢既婚禮依然有美味的甜點，曲奇非常有心思!!結婚蛋糕簡直勁啊~~~~~
回覆刪除[版主回覆10/08/2008 02:37:00]係啊, 佢個婚禮簡直甜絲絲得很啊!!!
參加婚禮我係喜歡o既, 因為好鍾意睇新人o既感動.
回覆刪除不過等埋位亦係一大.........zzzz, 好在有你地相伴. 連走都係.呵呵呵.
個糯米慈真係好好味, 若果唔係胃痛, 肯定同你同tan tan分埋一份啊.
[版主回覆10/08/2008 02:36:00]其實我都鐘意睇人地結婚講野(好感人個part), 每次去觀禮就更加大感足,, 因為配合詩歌同神既說話, 我每次都睇到喊.. 只係有少少怕去飲個種好多人, 又好陌生既感覺
我今朝仲食緊D糯米糍, 真係好好味! (合桃酥仲正, 但俾你個好家嫂搶晒啊,, 嗚~~)
咁.........幾時到妳同大少呀 ？
回覆刪除[版主回覆10/08/2008 02:33:00]呢個問題...............要再究研究研!!
hehe~ 我都係阿~ 成日都係等最後個d點心~~ 真係好好味o架~
回覆刪除[版主回覆10/08/2008 02:32:00]係啊係啊!
你d相影得好靚ar!!~
回覆刪除[版主回覆10/08/2008 02:31:00]多謝你啊!
我覺得美點雙輝好好味呀！難得有一圍咁鍾意食o的甜品，仲會打包走 (連橙都攞走晒 ) 我覺得平時o的人剩低晒o的甜品唔食好o徙架
回覆刪除[版主回覆10/08/2008 02:31:00]其實以前細個我見到D野食剩都唔敢出聲話想攞走... 覺得好似好核突咁!
但人越大越覺得呢D野無乜所謂, 最緊要唔好嘥野(越黎越C奶思想!! hee) , 何況成圍都係自己識既人, 唔怕啦!