有錢都買唔到既禮物

剛從澳門回港, 來去怱怱, 攰到爆! 

呢個幾星期嚴重缺乏足夠睡眠, 黑眼圈已經唔再係黑色, 而係瘀紅色

雖然攰到屎, 但感覺好快樂...

快樂原因有好多, 包括難得大少有咁長假期倍我, 同朋友打雀食飯(但兩次都輸得好甘!), 同daddy預先慶祝生日, 返台灣見媽咪, 與相熟blog友們會面等.. 都令我感到好開心, 好開心...  但由於時間有限, 仍然有好多朋友未見, 實在唔好意思 , 但放心, 來日方長麻~

早前知道YY Cake 有禮物預備俾我, 我知道佢一定係親手車左個環保袋俾我 (因為我一向都知YY 對我好好!!)  嘻~

難得YY Cake對我咁有心, 我當然幾忙都要抽空同佢見一見面...  就係尋日下午去佢公司附近共享午餐

當我收到YY Cake送俾我既袋後, 我急不及待拆黎睇~ 

原本已有心理準備知道佢會做一個環保袋俾我(因為之前同佢去買書時已經好唔客氣咁提及過我鐘意既款式,, 哈哈), 但後來一睇先發現呢個袋係完完全全另一個style, 但正正合我心意, 我超級鐘意啊!!!!!!  你地話係咪好靚好靚... 真係好靚!!  (真係有錢都買唔到啊~)

我一向都鐘意白色, 仲要係呢款布料, 簡單得黎又有暗花, 仲有仲有唔少得係個朵花花, 有少少粉紅色黎點綴, 實在太襯我平時著既衫!!

YY , 你真係好知我心意, 仲好留意我既喜好啊!!!! 多謝你~~

而且裡面既裡布係格仔藍, 同外面既款形成好大對比, 一淺一鮮,, 好靚!!!  我又係好鐘意格仔,, 呢個袋真係一句講晒"完全係為我度身訂造架!!"

除左一個靚靚袋外, 仲有一包又係親自做既朱古力添啊! (包古古力未食, 聽日我會帶上機同大少一齊分享!!)

YY Cake, 你真係一位萬能俠黎架, 你乜都識整, 樣樣都做到最好, 我真係好佩服你... 能夠識到你真係好感恩, 你對朋友好真又好耐性, 好多謝你啊!