已經平安返到Abu Dhabi, 尋晚坐夜機 (11:55pm), 今早六點到屋企, 攰到不得了!
之前聽報導話中東政府為打擊visa run人仕, 故修訂條例話出境唔夠一個月既人唔俾入境!! 知道呢個消息後, 我成日都驚自己今次返黎會即時被遣返返香港, 呢到政府成日改制, 一時又話咁, 一時又話咁, 但最好笑佢又唔係一視同仁, 對有d國家會嚴d, 有d國家又無咁嚴!! 總之攪到我每次過關都好似身有屎咁好驚唔知佢地又有咩新政制?
感謝主既係, 今次無俾人遣返之餘, 仲俾左六十日居留期俾我(之前得三十日), 我都唔知點解佢地咁攪笑, 一時一樣? Anyway, 平安到步已經係好感恩,, 唔理咁多!
尋日臨走前同班瘋婦(瘋婦主腦家姐大少奶, 大X阿茄 & 人見人愛既Tan Tan) 再聚多次... 地點係我屋企附近"稻穗亭"
阿茄既魚生飯
Tan Tan 既壽司定食
家姐既鐵板海鮮定食
甜品分別有芝麻雪糕 & 香濃咖啡
最後仲有阿茄既牛油曲奇 & 家姐既榛子朱古力慕絲攞走... (其實我都係為左攞佢地D野食而放棄同大少食lunch, hee)
Karen's Baking...同Jenny Bakery 差唔多鬆脆, 正!
家姐成日都恐嚇我, 如果我再咁得佢鐘意就會刮我兩把, 又話咒我被遣返!!! 所以我要特登做D野令佢討厭我...
~
佢千叮萬囑我地一定要用官方相喎... 我偏唔用啊, 哼!
(家姐, 我咁做係迫不得已,, 我唔想你打我, 又唔想你咒我咋~)啊, 講返呢個榛子朱古力mousse, 我同大少都唔係太鐘意食朱古力味, 但呢個mousse超讚,,, 因為唔太甜, 啱晒我地, 連大少都話好好味, 好似食緊雪糕咁啊! 臨走已經食晒lu~
執野其間, daddy話買左d蝦米俾我帶返去煮, 有三款... 好攪笑! 最細個隻都唔知點整, 細到好似一粒米仔咁
沒有留言:
張貼留言