從來無諗過自己可以做到最愛吃既"合桃酥"
而且做既過程係想像不到既簡單, 前後不用花上半小時!
細味品嚐一件新鮮熱辣既"合桃酥" 的確係一件好滿足既事
唯一美中不足既係呢到買唔到靚合桃, 如果有新鮮優質既合桃, 效果一定會更滿意!
故意叫大少咪埋眼, 俾佢試食叫佢估係乜?! 佢竟然答我"曲奇餅"!
自問食落都有正常合桃酥應有既味道, 你竟然估唔中!!! 後來佢解釋話佢不嬲都好少食呢類食物, 所以唔清楚味道喎! 算~
屋企已儲儲埋埋有四五個Jenny Bakery既餅罐, 真係唔捨得掉啊! 留黎剩載自制既曲奇餅乾送俾人就最恰當 (如果對方唔怕肥的話!! 哈~)
****************************************************************
材料: (份量 30個, 預熱焗爐180度)
全蛋... 30g; 糖... 150g; 梳打粉... 3g; 阿摩尼亞... 1g(我無落); 轉化糖漿... 10g; 豬油
... 150g; 低粉... 300g; 泡打粉... 2g; 合桃... 適量
做法:
1) 將紅字既材料拌勻, 再加入豬油拌勻, 最後加入篩過的低粉&泡打粉拌勻
2) 將拌好既麵團分割成20g一個的小麵團
3) 將每個小麵團搓圓, 放在不沾布上用指頭在中間壓一個洞, 在洞上放上合桃輕壓實
4) 以170度焗大約20分鐘
*如果喜歡較重合桃味道, 可以將合桃切碎粒, 加入麵團拌勻
*阿摩尼亞既味遇熱會揮發, 冷卻後就會無味
*轉化糖漿幫助烤出來效果更漂亮
*一般奇怪既用料, 如轉化糖, 豬油, 阿摩尼亞等係烘烚店勻有發售, 唔洗擔心!
11111111嘩
回覆刪除[版主回覆10/16/2008 11:52:00](Empty)
我好象第一次是你blog拿第一啊，合桃酥好靓！
回覆刪除[版主回覆10/16/2008 11:54:00]Thank you!!
(Empty)
回覆刪除整合桃酥要用豬油?? 巧得人驚喎!! 轉化糖漿又是什麼? 點解你o係果邊都有咁多材料, 又有豬油又有轉化糖漿, 你全部o係香港買過去架?
回覆刪除[版主回覆10/16/2008 11:55:00]無錯啊, 全部係HK帶過黎架!
食得呢D野就係咁架啦, 除非以後唔食, 否則出去買咪一樣食左咁多豬油落肚~
你好勁啦!!!!!!!!!!!! 仲以為你買架 ....................
回覆刪除用埋JENNY 個盒 .............................
[版主回覆10/16/2008 11:55:00]如果呢到有jenny bakery 買就好!
豬油!仲要150g咁多啊!
回覆刪除[版主回覆10/16/2008 11:57:00]係啊! 原來一直鐘意食既野係咁樣做架, 好得人驚~
D料好似真係好肥喎...................150g豬油
回覆刪除[版主回覆10/16/2008 11:58:00]係架, 但自己整應該已經比起出面買無咁肥!
hehe..我睇個樣都以為係cookies呀
回覆刪除要用豬油....oh....咪肥c
[版主回覆10/16/2008 11:59:00]傻妹, 你食個D花生醬都係有豬油架!
不過做人就係咁, 眼不見為乾淨~
我地都係唔好咁為食!
淨睇個樣係曲奇....原來係合桃酥....不過要用豬油
回覆刪除[版主回覆10/16/2008 11:59:00]其實好多呢D中式餅, 甚至包點都會用上豬油, 只係我地整時好少整, 所以無留意咋! (所以都係少食為妙~)
要用豬油整,咁咪好肥!
回覆刪除不過唔係成日食都冇所謂啦!
[版主回覆10/16/2008 12:00:00]係架,, 係超肥! 所以我整完第二日已經送晒俾人LU,, hee
唔講仲以為係JennyBakery新出品
回覆刪除我唔怕肥ga, 一盒唔該!
[版主回覆10/16/2008 14:13:00]欣賞你夠膽色!
好, 掙你一罐合桃酥~
嘩...要用豬油呀...咪好肥囉.....可唔可以轉其他油嫁??會唔會唔同左
回覆刪除[版主回覆10/16/2008 14:13:00]酥油都OK, 但其實都係差唔多野..
鐘意食呢D野, 預左係咁肥架啦, 只係平時唔係自己做唔知姐, 哈!
好勁呀.....合桃酥都識整....你雖然話易，不過我連睇個食譜都唔明呀！
回覆刪除[版主回覆10/16/2008 14:11:00]下,,, 莫非我寫得唔清楚?!
你真係用豬油做呀？你響邊度搵豬油呀？以前細個最鍾意食合桃酥!!而家知道好肥唔敢食啦~~
回覆刪除[版主回覆10/16/2008 14:11:00]係香港既烘焙店都有得賣, 其實有好多中式甜品糕點都會用上豬油, 只係我地平時好少做所以唔知... 但出街又會成日食到!
哈哈.....你都儲Jenny Bakery既罐架, 我都一樣有幾罐係到, 冇掉到呀!!!
回覆刪除我都唔怕肥, 好想要一罐合桃酥呀~~~~
[版主回覆10/16/2008 16:48:00]佢個盒咁靚, 掉左好嘥!
哈,, 你都咁有膽色, 有機會整俾你!
我好鐘意食合桃酥啊! 係要用豬油先會咁酥脆!
回覆刪除入落個盒到扮得好似, 你個邊不如開番個DIANA BARKEY啊!!!
[版主回覆10/16/2008 16:47:00]無錯, 香口既野好多都用豬油整... 無得避, 除非呢世都唔食啦!
我怕日日拍烏蠅啊!
原來合桃酥用豬油整架..OH~ 仲要150g咁多添 OH~ 唔駛客氣喇, 你同大少慢慢品嚐喇! 合埋隻眼真係難估啲架, 連嗅覺都冇埋..聽聞係咁
回覆刪除[版主回覆10/16/2008 16:46:00]哈... 我已經送晒俾人啦, 我都係食左兩塊咋!
Diana你整咁多蛋糕同埋麵包食唔食得晒?
回覆刪除[版主回覆10/16/2008 16:46:00]我整完D野會試味, 第二日就會俾晒大少D同事分享! (除左吐司會自己做早餐)
妹妹
回覆刪除好叻架你！你自己整合桃酥
咁第時你地3個娃娃嫁，你咪可以自已整嫁女餅派囉！
家姐上
[版主回覆10/16/2008 20:08:00]家姐,
我地三個娃娃好似嫁極都嫁唔出.. 哈哈!
無奈既妹上
no no no, 唔係你講得唔清楚，唔駛擔心，係我底子太差，根本連咩高粉底粉都唔知gei...
回覆刪除[版主回覆10/16/2008 20:09:00]你咁醒目, 如果你有心學, 一定做得好過我架!!
哇哈哈.....睇到你回大少奶果個留言好好笑 真係唔知點解, 嫁極都嫁唔出咁......哈哈..
回覆刪除[版主回覆10/16/2008 21:08:00]仲笑,,, 我地要檢討下啊! hee
檢討下係咪要搵過個,,哈哈!!
合桃酥都自己整好叻呀！
回覆刪除[版主回覆10/16/2008 23:00:00]其實好簡單咋, 真係好易!
哇, 阿妹妹你連合桃酥都撈埋???
回覆刪除堅呀~~~~~~~
我好怕見到食譜中有d古靈精怪o既野........買左番來都唔知何年何月先用得完啊.......
阿摩尼亞.........荷~~~~~~~~~~~ 聽見都覺得......unbelievable!!
d曲奇罐真係好靚, 當然要循環再用呢. 你幾時又整番罐來啊???
從未食過你整o既野呀, 除左烏頭咦!! (一食就知你掂呀~)
[版主回覆10/16/2008 22:59:00]菇菇姐,
我係到想食, 但乜都無, 唯有靠自己啦!
我以前都好抗拒一D不知名既材料, 又麻煩, 又難搵, 但後來我見有好多野都係有個D不知名材料, 我唔想局限自己剩係做平時做個D, 咪的起心肝買齊料返黎做囉!
哈,, 蒸咦咁簡單, 你唔好俾我呃到啊!
其實出街飲Cream Soup & 飲茶果d中式點心都會有豬油....我地走唔甩!
回覆刪除[版主回覆10/16/2008 23:22:00]係啊. 只係唔係自己做, 所以唔覺囉!
不過耐唔耐食一兩件, 唔係日日食, 都怕既
唔落豬油得唔得呀 豬油呢兩個字好嚇人啊
回覆刪除[版主回覆10/16/2008 23:59:00]你當睇佢唔到, 睇佢唔到!
你當佢係牛油囉! 你平時都食豬架麻, 牛有牛油, 豬有豬油, 一樣架咋!
用咗豬油整係咪真係鬆化 d 架? 可唔可以用其他油代替架?
回覆刪除[版主回覆10/17/2008 13:08:00]我無試過啊! 我諗咁多年來豬油咁唔受歡迎, 但都未被淘汰, 佢一定有佢特別之處, 所以唔好諗太多, 想食就跟足啦!
一定好脆口啦!!!!你比大少看個盒,係人都話係曲奇啦!!!哈....
回覆刪除[版主回覆10/18/2008 00:19:00]點佢都估唔到架啦.. 唉!
150g 豬油! 令到中意食合桃酥嘅我有 d 驚添!
回覆刪除[版主回覆10/18/2008 00:19:00]係架, 其實好多野都有架, 去飲茶就最多... 有D包點都會落, 所以真係好難避! 一係唔好自己做, 咁就唔覺囉! heee
用150g豬油... ...間中整下好喇~
回覆刪除可能您個合桃酥少左好似波羅飽既面, 所有大少至估唔到!
我第一眼睇相...都以為係曲奇
您整得好好 , 見到都想食呀~