上星期心血來潮想為家居增添一點點生氣.. 於是去Plants Market 一口氣買左幾盆心儀既植物返屋企...
原來屋企擺多幾盆植物,, 再加埋溫暖既陽光滲入屋內,, 成個感覺超舒服!!! (我好鐘意呢到d屋好多都係落地玻璃)

呢三盆風信子係我首選既植物... 我覺得好靚好靚... 之前係日本見到好多人屋企既小小花園都種滿風信子,, 行過陣陣花香撲鼻, 唔洗落迷暈煙.. 同大少講乜佢都會應承啊! 哈~

買返黎第一日全部都未開花... 心諗應該都要放幾日先會有花睇! 點知第二日起身中間紫藍色呢盆已經首先搶閘開左少少... 好得意!!

除左風信子,, 我仲鐘意向日葵,, 但呢到搵唔到向日葵,, 唯有轉買呢種淡+桃紅色既菊花都好靚.... 感覺好燦爛.. 好朝氣勃勃啊!!

第二日定第三日, 白色既風順子都不甘示弱要出黎展露下美態.... 花香越黎越濃郁,, 有時出完街返屋企, 一開門就聞到花香味!!

每次見到好靚好精美既生物.. 我都會讚嘆神既大能!!! 神創造每一樣野都係咁奇妙咁細緻...如果無神既創造, 何來會有咁多難以解釋既生物存在呢?

其實我本身都鐘意玫瑰,, 但又唔講得好鐘意.. 因為我嫌佢無香味!! 不過呢盆迷你玫瑰開得好靚... 而且細細朵,, 開正我個辨!!

如果大少親手種一盆玫瑰俾我,, 我會開心過佢買一扎,, 哈!! 不過我知佢一定唔會做呢d咁嘥時間既野~~

最後一盆係.... 唔知咩黎?! 但因為平,, 又好靚, 所以都照殺!!!!!

最尾係粉紅色風順子,, 佢好怕醜,, 遲遲都唔肯出黎見人!!

最新鮮熱辣,, 啱啱見到粉紅色風信子都開滿花啦....

淡淡粉紅色... 好高雅!!!

我呢個原本摺埋左既花園又充滿朝氣!!! 唔知佢地既壽命會有幾長呢??? 希望係我返HK前佢地仍然會健康地生長啦~
每朝起身就聞到花香味... 望住充滿朝氣既植物, 同深愛既另一伴嘆個靚早餐.. 夫復何求呢?
沒有留言:
張貼留言