I love WEEKEND!

啱啱過去呢個Weekend過得好充實,, 我都唔明點解放假既時間過得特別快?! 但等待假期來臨既時間卻遲遲未到~

上星期終於有機會睇"Enchanted", 我鐘意睇呢種愛情小品多過好傷感既戲,, 因為我好容易投入劇情, 令自己唔開心&好傷心... 所以免得過我都唔會睇d傷感既電影!!  初初睇Enchanted仲驚大少會訓著, 好彩佢都覺得呢套戲唔錯,, 做完時佢仲問"咦, 咁快做完既?"

我覺得最攪笑係個公主成日講講下野會唱歌!! 我問大少如果初初識我時, 我係咁樣,, 你會有咩反應?? 佢話 : (無奈望左我幾秒) 下.. 由你唱囉, 唔係可以點呀??

哈.. 我一諗起個情景,, 就覺得好好笑!!!!!

假期係最Relax既時候... 訓到自然醒再整個醒晨早餐, 好正!

Weekend既時間可以放慢腳步,, 慢慢煎個靚pancake... 加多個Cinnamon Waffle.. Perfect!

除左包包外,, pancake係大少另一至愛早餐!!! 佢返香港成日都嘈住話要食M記pancake...但我覺得M記既pancake無pancake味既~

食完個早餐..難得大少同我講 : 不如去睇下有冇d新傢俬/擺設買, 我地將間屋再怖置得舒服d同warm d囉!!

我第一個反應打左個突(因為無諗過佢會主動話買屋企野, 平時都係我話要買架麻!!) 我問佢 : 你覺得依家間屋唔夠warm咩?

大少 : 唔係, 諗住增添d新傢俬..等你住得無咁悶麻!!!

我 : 哦.. okok,, 好哇!! 我想買鞋櫃啦, 書架啦, 換新地毯啦 (下刪一百字) ......

行左半日,, 終於買左d心頭好... 大少一返屋企好自動波咁做野!!

噔噔... 雖然我地黎左呢到唔係好耐... 但我同大少都鐘意睇書 (我只限食譜&簡單公仔手繪書).. 儲儲埋埋都唔少... 所以我一直想買個書架裝好佢, 感覺間屋有d書卷味麻!!

如果有機會, 可能養多缸魚放係書架上面.. 感覺好似有多d生氣!! 但我到依家都未發現邊到有魚賣??