推介~

大少鐘情於All Day Breakfast , 食buffet 鐘意食brunch buffet多過dinner buffet, 有時真係俾佢吹漲!

但其實佢咁容易滿足,, 都係一件好事!! 起碼,, 我求其整個豐富少少既早餐俾佢話當埋lunch,,佢都已經好開心... 仲猛讚好味!!! 哈~~

呢張新餐墊就係響之前介紹間"The One"買架!! 

今次學出面食既All Day Breakfast整芝士奄列... 但隻奄列前得太老啦!! 有待改善~

推介以下兩款食物.. 好好味架~

推介一 : 我唔知係咪所有國家既Carrefour都有呢隻Tarama醬賣?? 三文魚醬, 內有細細粒蟹子... 擦麵包食一流啊!!

開左唔可以放太耐,, 所以大少成日用呢個藉口, 每次都擦厚厚既三文魚醬上麵包到食!!!

我雖然為食.. 但都唔敢擦太厚... 我估呢d醬都幾肥!!!! 但真係好好味!!!

推介二 : 呢個西蘭花煙肉湯之前介紹過,,  又係勁好味!!! 無須加水, 直接倒入煲內煲熱即可! (不過我唔鐘意食太咸, 所以任何無須加水既罐頭湯我都會加半罐水!)

今次特登影埋個樣俾你地睇,, 我唔知香港有冇得賣..呢邊賣大約港紙23蚊一罐, 夠兩個人飲(小碗)

請注意 : 因為有Bacon,,所以係UAE的話, 要係已領賣豬肉牌照既鋪頭先有得賣!!