去完The Grand Mosque, 我地安排左另一節目 ---- Desert Safari!!
沙漠四驅車專用既車同普通車唔同架... 呢d車有兩個波棍, 係沙漠行駛前,, 條軚要放氣先~
當日係星期六, 公眾假期,, 特別多人參加... 一行有十幾架車啊, 大家都會一齊出發, 一架跟一架, 防止走失... (每架最多可坐七人)
請將音量收細先睇,, 因為我地個個忘晒形係咁大叫.. heeee
Desert Safari 行程主要包括係沙漠奔馳 (最刺激係o係高高斜斜既沙丘邊上落)... 仲有近距離睇駱駝, 同佢地影相, 騎駱駝, 玩滑沙, 睇日落, 肚皮舞表演, 試食水煙, 仲有包一餐中東晚餐!! (一般價錢為二百幾DHS一位)
當日天氣好好... 正啊!! (我朋友上次去遇著大風沙,, 超慘!! 乜都睇唔到之餘, 仲要部相機被大風沙吹到入沙, 壞左~)
個日唔知好彩定唔好彩, 俾我地遇著隔離有一架車俾沙食住左, 出唔返黎,, 場面都幾驚人!!!!!
呢個難得既場面, 當然有錄低同大家分享啦!!!!
第一站睇駱駝!!
其實我好怕呢d大型既動物... 真係好驚!!!
大少係咁同佢近距離影,, 好攪笑!
佢地其實好馴品, 唔會發脾氣, 任你摸!! 不過, 我都係唔夠膽
你睇個鬼佬同佢幾Close..
呢隻駱駝好似識笑咁... 好奸呀!!
你睇下呢隻幾無儀態... 佢公然學"栢豬"擘脾, 不過佢只係辦大事姐! (見紅圈)
第二站 - 係沙漠影下相,, 睇下環境!!
有兩個小朋友貪玩走左落去,, 就咁望無乜野,, 但其實個沙丘又高又斜!!!!! 佢地行左好多先上返黎..
第三站 - Campsite
最後一站就係去到後面既CAMPSITE食晚飯, 睇Belly dancing & 食水煙!!!!! 你地睇下有好多車...
坐係到睇日落好靚..可惜因為我地個司機幫手救車,, 所以我地趕唔切睇日落啊~
睇下後面一望無際既沙漠... 現場睇真係好靚.. 好正!
Campsite仲有駱駝騎,, 不過其實一d都唔好玩, 因為駱駝上落都好大動作,, 乘客會辛苦呢!!
玩到咁上下,, 天開始黑,, 個個開始搵位就座食飯&睇SHOW
最後一定要試下食呢d中東特色水煙... 大力吸,, 然後會有好多煙噴出,, 不過味道係青蘋果味(仲有其他味道).. 有少少少少既煙味... 比起食煙,, 無咁難入口!! 不過都係唔好食咁多, 好似話呢d水煙比起香煙更有害~~~
玩完一日,, 攰到甩肺.... 攪到我個心口又痛返.. 不過依家無事啦!!!
大家有機會黎杜拜,, 記得一定要試啊!!!!
沒有留言:
張貼留言