My Lovely High Tea with....

大少尋日放公返黎問我今晚想食乜? 我答... 唔知啊?? 好飽,, 未想食住!!

佢好疑惑地問 : 你食左乜野咁飽呀???  

我緩緩地答 : 今日同人去high tea 呀!!

大少 : 下?? 同邊個呀?

係Ikea貪得意買左套mini Tea Set 返黎,, 一套四件,, 好可愛!!! 一見到價錢唔貴即買~  (我Daddy見到實心諗,, 你個衰女又買呢d無謂野!)

隻杯飲一啖都無, 個茶壺仲細過枝Tabasco... 哈!! 睇到Mini 野就覺得好得意,, 呢套抵死在又唔係細到用唔到!! (相信有儲開re-ment既人就會明白我既感受~)

今日有客人黎High Tea, 當然要預備香濃咖啡啦!!

仲有用一條熟到黑晒既蕉做成的"香蕉杏片蛋糕"... 今次焗得超滿意!! 原來上次落錯baking powder 為 self-raising powder, 唔怪得之上次焗唔起!

噢,, 好美味!!!! 隻蕉夠熟,, 焗出黎有一條條黑色蟲蟲,, 就係我細個食開既香蕉蛋糕樣啦!!!

今日有幸同我一齊High Tea 既就係------ 哈佬咪咪小姐~

咪咪... 唔好客氣呀!!

玩完一輪.... 除左味覺上既滿足.. 最鐘意仲有呢幅相!!!  

最後... 當然唔少得既係..................

執返晒d野入廚房洗餐屎!