擇日

事先先明,, 以下話題純綷係我熨熨下衫無意間諗起,, 然後覺得幾有趣, 所以想同大家輕鬆咁閒談下.... 並無任何意思!!

請大家唔好係咁問我係咪諗住結婚, 係咪諗住擇日子等問題...  因為我講呢個topic純綷傾下計, 睇下一般人既諗法, 並唔係想透露d乜架!! 大家冷靜冷靜哦!!!  如果大家睇完無野想發表.. 可以唔洗留言架!! 我發下up瘋咋~ 嘻!!

今日熨衫時諗起如果將來結婚,, 應該揀邊日結好呢??

拍拖紀念日? 情人節? 聖誕? 除夕? 年頭定年尾好呢?

由於我本身係基督徒,, 加上雙親都係極到唔注重傳統禮儀既人.. 所以我諗如果要擇日子結婚, 應該唔會選擇睇什麼通聖或是問乜乜師父擇日去決定!! 何況, 我不嬲覺得將自己既命運交俾一個唔識既人手上, 聽佢講幾句就信晒佢,, 呢種行為幾都無聊! (純綷個人諗法!)

我反而係諗,, 應該將呢個大日子放係年頭, 年中定年尾好呢?  選擇期假時份, 方便將來慶祝..定係揀個普通d既日子,, 唔洗年年同人迫餐屎好呢!?

由於我同大少既生日係一&二月... 前後都夾住聖誕, 情人節及新年... 如果將結緍日子按排係年尾/年頭,,,似乎個幾個月都會好忙... 一個接一個既節日,, 諗去邊到慶祝/送咩俾對方都會諗到頭都爆!! 好似唔係咁好~~

相反如果夏天時份,, 七至九月... 感覺又好似好熱... 唔夠溫馨浪漫!! (哈,, 係咪開始覺得我好煩呢!)  同埋七八月係暑假,, 如果將來想出外旅行慶祝.. 價錢又會變得唔化算!

四月有easter, 七月係拍拖紀念日,, 剩返無乜幾多有得揀... 九至十月好似都唔錯... 一來淡季, 食飯去旅行都應該唔洗驚同人迫...二來一年當中呢段時候好似最無乜野攪... 如果係呢段時候加個結婚紀念日慶祝下..  balance返一年平均每隔一兩個月都有一次surprise,, 好似唔錯喎!!!  不過男人當然希望乜野都撈埋一齊攪,, 唔洗煩~~

哈... 我份人就係咁,, 好鐘意諗d無謂野...

你地覺得呢?  結左婚/未結婚既你, 選擇婚期又係depends on乜野黎揀架?