我的第一次

第一次做薄身Chesse Cake~

第一次加果醬做挑花效果~

第一次食自己做既條狀蛋糕~

三個第一次加埋 = 都幾滿意!

唯一美中不足既係, Cheese 唔夠厚身,, 由於個焗盆太大,, 就算Double 分量, 出黎既厚度都係啱啱勉強可以接受! 下次要換細d個焗盆至得...

入爐前

多得Vanlily教我挑花既步驟,, 我先知原來係咁樣做!!! 雖然挑得鬼五馬六.. 但話晒第一次,, 挑到已經好開心!!! (Thank you to my sweetheart Vanlily~)

噢, 今次份量做得太多... 因為個焗盆太大!!!  同埋我想問, 我應該用咩刀切餅, 個切位先會齊整啊??

由於個餅唔夠厚, 每條都要小心翼翼,, 唔係好易斷!! 為免大少既同事食到好'呢hea', 我用石紙一條條包好,, 應該會方便d享用!!!

哈~ 好似一條條朱古力咁!!! 雪完一晚好實好正~ 連有少少怕左Cheesecake 既我, 都忍唔住食左兩條!!

食譜 :

- 用普通New York Cheese Cake (<--食譜) + Blueberry (攪碎變汁) 做挑花面...隔水焗約1小時! 即可~ (焗既時間請依照不同火力而作出調整)

- 臨尾留返少少麵糊加入果漿, 隨意倒上麵糊上, 用牙纖挑花即可! 但唔好挑太多次,, 否則太花會影響美感! (挑花資料由餅神Vanlily提供!!! thank you~)

p.s. 仲要多謝YY Cake,,,因為我係響佢到學佢整條狀cheesecake 架!!