三文魚係今餐既重點, 因為呢件三文魚價值港紙六十幾蚊... 好貴啊!!! (但其實我都唔知香港賣幾錢?? 可能都差唔多價錢~) 
將三文魚洗靜抺乾, 用海鹽&香草醃一晚! 第二日落油燒熱獲爆香薑片, 放三文魚落獲兩面略煎(表皮會變色, 唔好煎到熟, 剩係煎下個面) ; 然後用石紙包住轉用焗爐 200度焗15mins!! 如果想食到脆卜卜既魚皮, 臨尾打開石紙, 魚皮向上, 剩係用面火焗10mins..即可!
其實就咁用火煎都OK,, 但麻煩在要企係到睇住條魚, 又多油煙! 相反用焗爐幫手就可以偷返d時間去炒菜!!
今次個飯用左係"無印"買既韓式泡菜味拌飯黎煮,, 微辣,, 幾野味!! (無印呢d有味拌飯包好方便, 一包可以煮二至三碗, 只需正常煮飯程序, 將呢包味料撈入米到一齊煮, 臨尾煮好焗多15mins, 撈勻即可!)
為左黎緊既next trip...不得不減下肥!!! 依家夜晚要戎澱粉質~ 努力! (未confirm 個package, confirm左先話俾大家知去邊啦~
)
Do you like it?
沒有留言:
張貼留言