哈~ 又有新鮮包包出爐!!! 今次又係跟MC既食譜 - 北海道牛奶包(湯種), 真係好感激MC既無私分享... 如果唔係佢提供食譜, 我都做唔到咁正既包包食啊!!! Thank you so much~~
照住MC既食譜, 可以做出十隻牛奶包出黎.. 原本細細隻(每隻約56g), 估唔到發酵完,焗出黎又係大到一隻痴一隻... 見到都好肉緊啊!!
第一次發酵完成後, 將個麵團攞出黎分割時, 已經Feel到呢款包包既不同之處!! 因為呢款包包係用 Cream + Milk 黎代替水份(cream內有油份), 所以麵團特別軟熟, 而且仲多左一份淡淡既牛奶香味!!!
我將十隻焗好既包包分開時...你睇.. 佢地起絲起到可以成塊扯出黎!!!
大少激讚呢款牛奶包!!! 今朝一口氣食左兩隻添... 佢話呢款包係咁多款包最軟熟喎!! (但其實我估係因為有cream既效力, 令到包包食落口更軟滑!!)
朝早只需將包包放入叮叮爐叮20秒,, 即可好似新鮮出爐一樣咁軟熟! 湯種包既奇妙之處就係呢到... 就算放三/四日既包都仲係好軟熟!!
不過學YY Cake話齋, 好味既包包, 又點可能放到三四日呢? hee
沒有留言:
張貼留言