生果與我

之前提及過我地兩個人買生果好難買,, 又想食呢款, 又想食個款.... 買太多又食唔晒, 上一批既檸檬已經俾我放到出"綠茶粉"!!! 雖然每次見到d生果放到爛晒, 個心實在好唔忍心,, 又嘥左d食物~

不過, 我覺得對於我黎講.. 屋企可以無薯片汽水, 但一定唔可以無生果啊!! 貪心既我.. 一見到好新鮮既生果,, 又忍唔住買!!! 今次, 我一定會將佢地清晒... 放心!

係家樂福買既生果比起去街市買既貴, 而且無咁新鮮, 所以我依家多數都會去街市入貨! 仲有得講價,, 好鐘意同d印度佬講價, 佢地個樣好攪笑~ (呢到唔興買菜送棵蔥, 但我成日都出矛招,, 買完餸, 俾晒錢..臨走先問,, Can it free to me? (加多個無知天真樣!) 跟住每次都成功俾我攞到Free Spring Onion! 哈)

個哈蜜瓜已經成功煲左湯... 超讚呢!!

我好鐘意食奇異果,, 係家樂福買價錢都唔平!! 依家係街市買13dhs 有一小箱... 睇個樣都好靚好新鮮~

點知攞開左第一層... 第二層既奇異果竟然縮晒水?! 佢地既數量係多過上層一倍呀...

洗唔洗差咁遠啊??? 分明呃錢姐... 唉! 人做Kiwi, 你做Kiwi,, 你注定今世都係做幕後工作者架啦!!

我鐘意食Kiwi既原因,, 除左佢含有豐富既Vit. C, 好清甜外,, 最主要係好方便食用啊!! 我好懶... 最憎食蘋果/橙, 唔係唔好食, 只係我懶批皮,, 所以好少食!!  基本上我咩生果都食(除大樹菠蘿),, 但好似香蕉, Kiwi, 車厘茄, 士多啤梨等呢d,, 我就會主動咁去食多d, 食多d, 食多d... 呵~

木瓜又係一樣好好味既生果... 方便食唔在講而且仲有幫助大腸"做野"功能!!

你地又鐘意食d咩生果架??