一丁芝

最近大少因公事經常要出杜拜開會... 好多時仲要係開下午五點!!!!  睇得我個blog耐既朋友都會知, 由我住呢到出杜拜,, 只計車程, 來回都要三個鐘...所以每次佢要出杜拜開會,, 我就好悶悶不樂.. 又要一個人食飯!!!

之前見過"唯美.唯愛 - 加菲"介紹出前一丁+芝士呢個食法好好味喎!! 我個心一直念念不忘.. 好想快d試!! 尋日趁大少出去開會... 下晝個心已經諗定夜晚一定要試啊!!!

食出前一丁已經肥,, 仲要加芝士.. 肥上加肥!!! 不過加菲講到咁正. 我真係好想試啊!!! 為左減少自己既罪咎感, 我將晚餐時間提早到五點開餐...哈~

蔬菜類一定要有!!! 我仲加左三隻急凍生蠔(好貴啊, 唔捨得食太多,, 要留返同大少一齊食!!) 

生蠔洗乾淨, 用半碗水浸住, 會令水變成有生蠔味... 加入西芹到炒... 好香.. 只要稍加鹽, 酒 & 黑椒...即可!!!!! 生蠔無論生食/ 熟食都一樣咁正... 如果呢到有得賣蠔仔仲好啊~~

初初食第一啖覺得無乜特別! 心諗,, 不外如是啫~

點知越食越滋味... 之前可能味撈勻d芝士,, 原來芝士放入出前一丁係咁夾架!!!! 真係無介紹錯... 味道唔會太漏, 但有淡淡既乳酪味... 連帶d湯都變得好濃郁~~

如果鐘意食出前一丁既朋友, 一定會愛上呢種食法!!!!! 大家不妨試下啊..

*************************************************************************

給自己的紀念 ....

大少夜晚開完會返黎..無啦啦好凝重咁諗野, 然後問我... 你覺得有冇一個人可以唔洗眨眼??

我毫不猶疑答佢 : 得啊.. 我囉!! 我講大話時從來唔會眨眼架!!

大少俾我吹漲地笑幾下又講 : 唔係呀.. 我講真架! 我今日開會, 見到有個鬼佬真係一直都無眨過眼!! 佢一路講野都唔眨眼.. 我覺得好奇怪,, 所以我一直偷望佢, 睇下佢幾時先眨眼.. 攪到連我自己都唔敢眨眼... 就算眨, 我都眨得好快.. 繼續偷望佢!!   呀.. 但佢條友真係好勁一直無眨眼.. 我都唔明點解佢可以唔洗眨眼??

及後,, 佢又係到自己試一直講野都唔眨眼,, 仲大叫 : 啊.. 好痛啊.. 真係唔得呀,, 有乜可能唔洗眨眼!!! 你試下,, 你試下你得唔得唔眨眼!!

我聽到佢以上既說話, 我已經笑到肚都痛.. 我覺得大少好傻, 好似細路仔咁!! 我好鐘意見到佢呢個樣.. 哈~

原來我既無聊,, 係被人感染....