好幫手!

好耐無post家常便飯... 原因唔係我無煮飯, 只係無乜特別新菜式, 所以都費事嘥大家時間姐!!

前幾日, 又發揮我懶人頭腦, 焗左一碟南乳雞翼做餸... 南乳雞翼雖然無乜特別!! 但對於新手/懶人黎講, 真係一個好好食譜.. 而且我今次仲焗得好靚... 時間啱啱好~ 不得不分享下....

呢到有八隻雞全翼, 我將佢地切開三部份, 容易d食麻!! 杜拜d雞好衰.. 好少有雞中翼賣,, 多數係雞全翼... 但又令舍細隻,, 都唔明點解?! 人地係香港食開d雞翼好鬼大隻架麻...

有見及此, 我有同大少講過 : 不如我地自己養雞囉.. 橫掂有間房多左出黎無野放, 用黎養幾隻雞仔啊... 雞仔好得意架, 我細個成日養!!! 大左可以生蛋, 又可以劏左佢黎食!! 一舉兩得~~ 呵...

大少當然無理我啦! 但我覺得ok WORK喎!

我都講過, 買兩人份量既餸係好難就.. 好多時會食剩!! 剩左既野,, 盡量將佢炒埋一碟,, 咁就可以解決好多不必要既浪費問題!

用牛油先爆香蒜粒, 加入金菇, 蘆荀略炒.. 再加入翠玉瓜,, 加入少許水&調味煮淋, 即可!

自從開始入廚後, 先知個焗爐係幾咁幫得手!!! 除左焗蛋糕麵包外,, 煮飯都唔可以無左佢啊,, 學家姐(大少奶)話齋... 盡量可以用焗爐煮得出既野, 我都會用焗爐整..  因為我實在太唔鐘意煎/炸... 嘥油事小,, 抺餐懵事大!!!!

所以未買焗爐既朋友, 唔好諗咁多,, 焗爐其實仲好用過微波爐.. 買左實無嘥啊!

南乳雞翼食譜 : (自創,, 唔好食唔好怪我啊! 但應該唔會唔好食.. 哈哈!!!) 

材料 :
雞翼 .......... 8-10隻 (隨個人喜好)
南乳 .......... 1-2磚 (夠架啦, 好喊架)
蒜粒 .......... 多少隨個人喜好

做法 :
1. 先將雞翼洗淨, 抺乾
2. 將南乳撈勻雞翼, 加入蒜粒, 少少少許油, 少糖& 幾滴豉油.. 確保每隻雞翼勻沾有醃料, 醃三小時
3. 預熱焗爐220度, 用石紙蓋住雞翼, 放入焗爐焗30-40分鐘(視乎焗爐火力而定).. 每15分鐘反一反雞翼, 如發現南乳汁開始收乾, 可以加少少水繼續焗
4. 見到顏色好似我個碟咁就OK, 其他餸未ready時, 可以將雞翼繼續放在焗爐裡保溫

收工!

** 煮飯用焗爐既好處就係**

1. 可以騰出多d時間&廚具去準備其他餸菜
2. 好輕鬆, 唔洗成日睇火, 唔會煎到周圍都係油
3. 唔洗落太多油都可以做到理想效果
4. 可以洗少隻獲
5. 可以KEEP住溫度
等等等... 你話.. 係咪好幫手先!