今日約左舊同學Esther 出黎食tea,, 知佢最近心情麻麻,, 同我一樣,, 大家一齊傾下計啦!!
行過Godiva, 買左兩粒朱古力, 一粒俾Esther, 一粒自己!!
我最近愛上去九龍灣德福食飯,, 所以又約左佢去德福廣場既Pokka
我選擇既什菌雞肉義
Esther 選擇既泡菜牛肉烏冬, 好好味!!!
大家最近心情都好差!! 喂, 如果你搵到邊間心理醫生好,, 介紹埋我去啊!!
我買既朱古力就係呢款士多啤梨古古力... 味道.. 一般啦, 因為我覺得士多啤梨唔夠甜呢!
食完lunch後, 去九龍法國醫院探我表哥表嫂既初生Baby,,出左世兩日咋...好可愛呢!!!
見到BB個心情唔知做乜好touching,,好想喊,, 不過係咁多人面前, 當然強忍啦!! 感謝主帶左個新生命黎呢個世界,, 求主保守BB有善良樂天既性格~
恭喜表哥表嫂,, 希望你地個BB快高長大, 健健康康啦!!
427終於到啦!!! 多謝家姐既邀請, 令我有機會跟佢同餅神學野啊!!
人物 : 好耐無見既Vanlily,, 好掛住你呢!!! 另外仲有Tan Tan, GG & Karen... 見到佢地好開心啊~
你地睇下, 家姐一出手, 大家都擁住上前偷師,, 而且歡迎發問,, 我地真係學到好多野啊!!
其間品嚐左好多美味既食物.... 老實講, 有好多都係好受歡迎既菜式,, 但我一樣都唔識整... 今日睇完真人試範後,, 真係不得不讚一句 : "大少奶既廚藝好得啊! 全部菜式都係快靚正!!" 啱晒我呢d廚藝一般既人啊... 好想快d擁有佢本書!!!!
難得餅神係到, 點都要露下兩手, 用僅餘既材料做出一個美味既peter仔,, 殊不簡單啊~
由一早食食食食到黃昏,, 最後仲有Karen 隻"泰式"觀音舞DVD助慶, 攪到大少奶, Vanlily, Tan Tan & 我忍唔住即時學左佢兩招, 一齊係到跳!!! (笑死我...)
散場後, Karen, 烏GG & 我三個寂寞的心意猶未盡,, 繼續殺落灣仔&銅鑼灣行街食飯... 最後仲傾到人地閉門我地先捨得走啊!! 噢.. GG & Karen,, 好開心同你地傾計,,, 難得係呢到又搵到兩個啱咀型既朋友,, 我會好好珍惜呢份友誼!!
第一次食板長,, 覺得一般,, 峰壽司好味好多!!!
估唔晏晝食左咁多野, 夜晚我地仲可以食得咁狠!!! 勁啊~
今日屋企發生左d令大家唔開心既事... 每個人各持己見, 誰對誰錯, 真係好難講得清. 唯一令我心痛既係,, 見到daddy為呢件事表現出好煩惱, 好激氣, 實在唔忍心!!!
我知道呢件事無人可以插到手, 所以無時無刻, 我個心都不斷向神求救,, 唯有神先可以化解一切, 將唔好既事變好!
事情最後會發展成點無人知,, 希望神可以帶領我地選擇到一條各人都滿意既方法!!
唉~ 都係個句... "家家有本難念的經"
但無論如何, 我只係知道, 我好愛我daddy, 無論發生咩事, 我都會係佢身邊佢支持佢, 愛錫佢!!
雖然今日發生左呢場好恐怖既戰役.. 但我都唔係太失落,, 因為daddy成日都係屋企倍我,, 仲同我食足三餐!!!
第一餐早餐 : 澳門茶餐廳 (又貴又唔掂)
中午返到屋企無幾耐,,, 
戰役開始 (當然無我份, 大人遊戲, 小孩不宜參與) , 希望以後唔好再有呢D事發生,, 萬事應該"和睦"商量!!!
第二餐下午茶 : 鰂魚涌金峰粥店 (超好味..但要排好耐隊)
第三餐晚餐 : 太古城Simplylife
之前食過呢間餐廳, 當然又要帶daddy去試下,, 話晒食有機食物, 健康d麻!! (但daddy話有機食物係呃錢喎~ 哈!!)
daddy話呢個包包同南瓜湯最好味!!
我今次無揀湯, 揀左沙律,,, 個汁好好味, 而且好多菜,, 都幾抵食!!
- 磨菇蘆荀有機飯
味道我覺得唔錯,, 但DADDY話d飯太硬, 好難食喎!! 我係咁話 "有益呀, 有益呀, 慢慢食, 唔好咁急吞, 好好食架!!" (哈~~)
點知佢話, 你下次都係帶返你男朋友黎食,, 呢d唔啱我!! 激死~
- 烤羊膝有機飯
其實睇佢d份量好似唔大,,但呢d有機米慢慢哨住黎食, 不知不覺都好飽架!! 我幾鐘意,, 起碼細細份, 我唔會唔覺唔覺食多左麻!
返黎香港咁耐都係同DADDY飲過一次茶,,, 今日倍足佢一日, 好開心!!
尋日約左係我屋企附近工作既Karen & Tan Tan食lunch!!! Karen選擇左太古城SimplyLife, 我以前去過呢間餐廳買包包食, 但就第一次試佢既熱食...
多得Karen一早訂枱,, 當我去到已見到大排長龍,,, 心諗 : 嘩,, 呢間餐廳唔通又抵食, 又好味??
佢地d Set lunch 分左 1 = 湯/沙律, 2 = Main Course, 3 = 甜品, 可以自由選擇配搭! 價錢大約HK$80-120
當日我選擇1 + 2 = HK$8x, 價錢其實一d都唔算平(因為我以為五六十蚊一個set lunch!),, 但可能係太古城呢區較少呢類有機食物餐廳, 所以特別受歡迎!!
我同Tan Tan都食Pasta, Karen食英式早餐 (佢叫呢款又令我諗起大少!!) ,, 食物雖唔算好正, 但都不失為一個值得一試既餐廳!!
同Karen & Tan Tan 暢談一番後, 佢地又要返工啦!! 下次無人倍我食飯時,, 又約你地先~
原本Cindy都會黎一齊食晏, 可惜佢因為身體較攰, 暫時未能出席. 得閒到爆既我,, 當然約埋YY Cake 一齊探下佢啦!!!! (Cindy,, 希望你精神好返d時再同我地去食lunch/嘆TEA啦!!)
未去Cindy屋企前, 先去YY Cake屋企等佢既新鮮麵包出爐!! 等既其間,, 同佢傾左好多計,, 將自己之前唔開心既事一五一十講出黎... 其實我份人好少將心事主動話俾人知,, 但感謝主, 可能主知道我一直收收埋埋會好辛苦, 所以派YY Cake黎做我既聆聽者... 多謝你!! (其實仲要多謝好多關心我既朋友..)
夜晚約左舊同事食飯... 我主動話要去九龍灣德福廣場二期五樓既"嚐越"食食,, 因為之前同大少食過好好味, 我地兩個女仔叫左好多野... 連個侍應都話 : 其實你地應該夠食架啦.. 唔好叫住!!!
推介一 : 係Dubai 成日食唔正宗既summer roll.... 係HK食, 當然好味好多啦!! 超讚~~
墨魚餅,, 其實好好味!!! 但我地食唔晒...
馬拉盞炒油麥菜...好味!!!!
雞絲酸辣湯麵... 都幾好味!!! 但又係太飽... 食唔晒~
推介二 : 豬頸肉炒檬,,, 好味之外,, 主要係我鐘意食豬頸肉&檬, 所以一定要食!! 哈~
To my dear friend,, 神說: "凡事都可行, 但不都有益處"
多謝大家既留言關心... 其實我份人係好情緒化, 好麻煩,, 但過幾日又會自我修復,, 所以大家唔洗擔心架!
感謝主既說話, 安排, 令事情變得有改善!!! 多謝及希望大少會體諒, 明白我既需要
呢一篇將會係一個完結, 過左呢一篇後, 我既生活又會集齊幸福, 快樂 & 多姿多彩既元素!!
再一次感謝大家既關心,, 有好多都收到晒, 明白大家既意思,, thank you!
今日同朋友們去"金滿庭"食飯.. 雖然當時心情仍然麻麻,, 但我好鐘意同最friend最friend既朋友共膳, 無所不談, 暢所欲言, 說說笑笑,, 大家既友誼有增無減,, feel so good!
由於最近心情唔好, 所以我好似烏GG咁用左黑白mode黎影相,, 感覺真係好sad~
睇返d相先發現四個人食左咁多野.. 但我又唔覺好飽,, 莫非我又大食左?!
呢個世界上, 有好多人都係好自私!
無論父母, 親戚, 愛人, 朋友, 同事, 路人甲乙丙
每個人都藏著自私既一面
當然, 人自私係正常, 如果無左自私, 呢個世界會好太平!
當你遇著一個自私既人, 你會有乜反應?
其實人既自私係好主觀!! 有人認為咁做係好自私 ; 但可能又有人認為咁做無問題, 好正常啫!!!
究竟誰對誰錯呢? 有冇一個人/一樣物件可以定出係一件事上面, 邊個啱? 邊個錯?
我好想知...
好想有一個人話我知,
咩係啱? 咩係錯?
咩係應該做? 咩係唔應該做?
咩係好? 咩係唔好?
咩叫值得? 咩叫唔值得??
咩叫快? 咩叫慢?
咩叫係時候? 咩叫仲太早?
如果呢個世界上真係有呢個判斷者, 我諗當我遇到咩問題, 我一定會去問下呢個人,, 究竟應該點做先啱, 點做先會令人/自己開心!
身邊每個人都有自己既野要做,, 每個人都有自己既位置,, 只有我,, 好似企邊都唔啱咁...
有自己想做既事, 但似乎唔係你想做就可以做... 有好多野要配合,, 好煩!
每日都故意搵唔同既朋友出黎飲飲食食, 行街shopping
個個都覺得我既生活好enjoy,,好開心!
但老實講, 我返到屋企後, 更覺得寂寞, 唔開心! 唔知幾時先可以有自己真正既"家", 真係唔想再同其他人住...
每晚都訓唔著, 聽收音機聽天光.... 學左好多新歌!!
其實我自己知自己好幸福,, 只係可能由細到大都無父母係身邊, 所以我好害怕寂寞, 好怕無人理既感覺!
早已忘了想你的滋味是什麼
因為每分每秒都被你佔據在心中
你的一舉一動牽扯在我生活的隙縫
誰能告訴我離開你的我會有多自由
無乜心情寫blog..大家唔洗擔心我! 我應該好快又無事...
p.s. 好多謝日日倍我癲既朋友,, 無左你地, 我都唔知每日應該要點過
呢日係去環球片場當日食過既早晚餐!!!! 由於太多相, 所以分開POST~
一早去左搵我地至愛 ----- 麵包店食早餐... 日本d麵包店都係好正... 我地仲另外買左兩小袋麻薯包去片場食... 真係好好好好味!! 有機會一定要試...
下午係片場求其食左個餐,,, 完全無特別..所以無影!!!
夜晚行心齋橋Tokyo Hands, Loft etc (落雨!!)...行到得返半條人命後, 返去酒店附近食蟹道樂
蟹道樂十點閉門, 如果想去, 記得要十點前啊!
今次試左兩個豆乳鍋會席套餐, 一個平d, 一個貴d.... 分別在多左蟹肉刺身
成日聽人講食豆乳火鍋, 自己未試過... 適逢呢到有得食,,不妨試下! 初初以為係甜甜地... 可能會同d餸唔夾.. 但原來係咸豆漿底, 加埋d蟹肉落去又,, 好好味!!!
全蟹宴,, 食完都有少少濟!!!! 因為全部都係蟹,, 有d悶... 我都係鐘意蝦蟹合戰多d,,起碼有多個選擇麻!!!
