杰作

無左Y! Blog兩日.. 成個人周身唔聚財... 悶到發慌!!!!!!

由於黎緊要放假, 大少日日衝峰憾陣咁趕工趕工再趕工.... 日日都無返黎食晏! 而且我都無買餸,, 費事食唔晒又嘥...呢兩日好似過緊d好潦倒既生活.. 唔係公仔麵,, 就係罐頭湯... 再唔係就係我地"杰作"!!! (杰 = 禍左)

無人倍, 又無BLOG上, 唯有阿茂上身係咁狂整餅!!!

第一炮係咖啡CHEESE CAKE...好香咖啡味!! 可惜應該麵糊打得太耐,, 變得好水... 攪到雪左兩日都唔夠實身!

我好懷疑個食譜寫錯,, 糖分五次落, 每次打2mins?! 就咁呢part都要打10mins...會唔會有d過左籠? 打完個糊稀過水  下次都係相信自己經驗, 唔好信晒食譜!

第一次用唔知幾耐之前買既蛇仔唧咀唧Cream...好得意!!

試左一件後,, 成個掉左!

第二炮 : 北海道包 (腸仔&肉鬆餡)

呢個包底係用MC既北海道牛奶包做... 自己夾腸仔&包肉鬆餡!! 腸仔包好得..放兩日都無變質!! 但肉鬆包唔知係咪放得太低, 所以overheat,,好實啊!!! 又失敗~

原本諗住整一籃送俾同事食.. 但第二日d肉鬆包已經好實.. 最後都係得個"擺"字!!! (依家仲係到..Hheee)

我覺得呢個色水既包包係最靚架!!!

第三炮 : 唔甘心既我第二日又整左一籃菠蘿包&腸仔包 (中種法)... 但又失敗啊!!!!!!

疑點一 : 轉左用本地高筋粉(因為日本個隻用晒, 唔就腳去入貨)

疑點二 : 麵團略濕...

欵點三 : 唔通我既LUCKY已經用晒?? 莫非之前一次又一次既成功真係因為好彩?! 依家呢d先係我既真功夫

未完未完... 第四炮..Blueberry Muffin (九隻)

好好味!!! 配新鮮藍梅,, 中和返個甜味... 下午茶配coffee一流~ (我呢兩日食左三隻)

不過有個幾嚴重既問題.. 就係焗既時候,, D麵糊太重, 攪到隻紙兜變晒型... 焗完都唔知似乜?? 點送俾人食啊??????

以上呢d就係我呢幾日不停做, 不停失敗既"杰"作!!!  噢.. 好彩我今晚就返香港.. 我要好好冷靜下..唔再入廚住!

*******************************************************************************

之前提及過買左部咖啡機..就係咁既樣!!!

唔知HK有冇呢個牌子... 係呢邊賣大約八百幾九百蚊港紙! 可用ground coffee / coffee pod!!

我唔知算唔算好用, 因為我未試過第二d牌子.. 不過so far我覺得整出黎既咖啡好好飲.. 又唔難清理,, 都唔錯!!!!

唔好問我蒸餾咖啡同呢d有乜唔同? 我都唔太知.. 但我試過飲蒸餾咖啡覺得唔夠濃,, 無咁好飲!