I'm Fine!!!!!

噢,, 大家好!!!

我仲係大阪未返啊,, 之前諗住日日都會UPDATE個BLOG同大家緊密連繫... 不過天意弄人啊!!!!

大少竟然唔記得帶電腦既叉電器黎 (激死), 所以前兩日我都唔敢用電腦, 留返d電俾佢上網 check email!! 不過最終都係難逃一劫,, 唔夠兩日舊電俾佢玩完, 尋晚我地仲要漏夜出街搵網吧, 我等大少做完野都半夜四點!!!! Crazy...

去網吧做野始終不及自己部電腦好用,,, 今日大少死心不息, 走去買左個叉電器返黎,, 所以依家可以係酒店上網啦... (講起呢件事, 又要好感恩!!!!)

呢兩日d相暫時post唔到出黎啦,, 因為我地實在太攰,, 由朝行到晚, 每晚返到酒店沖完涼唔洗五分鐘即訓!! 估唔到大阪竟然有咁多大型shopping Mall,, 行到腳都斷 (不過當然好開心兼唔願停啦!!)

仲有一日半既時間,, 聽日目的地係Universal Studio & 大少鐘意既海洋館,, 但我仲有自己住緊既心齋橋, 難波都未行完,, 又想後日上機前再掃Outlet.. 不過我諗要取捨下,, 因為今日個喼已經宣告額滿.. 再買就又要買喼/搵個紙皮箱先攞得晒返HK...

希望聽日唔好落雨, 唔好有麻煩公事要煩到大少, 咁我地就可以安心咁玩埋呢兩日啦!!!

大家唔洗擔心,, 我無事架!! 後晚HK見啦~