Day 2 @ Osaka

基本上, 我地每日既行程都係即日先計劃,, 加上前兩日嚴重唔夠訓, 我地Day 2個日訓到朝早十點幾先起身,, 攪得黎出門口都十二點... 要搵晏食啦!!

因為太肚餓, 急急腳落地下街搵野食! 見到Display櫃上林林種種既食物, 真係好吸引.... 最後揀左日式西餐,, 好美味既蛋包飯!!

呢個飯第時可以係屋企試下整... yummy!!!

由於呢日太晏出門口加埋落雨, 睇唔到櫻花又去唔到環球片場, 所以轉攻行梅田d shopping mall,, 不停行行行, 買買買, 食食食... 實在攰到想切左對腳! (難為左大少~)

梅田區有間急阪百貨專係for Man Only.. 入面賣既野全部都係男裝,, even連LV, Tiffany, Burberry等大品牌都只係有男裝, 無女裝款, 大少係呢到買到唔少心頭好呢!!!!

另外有一間類似札榥拉麵共和國既"浪花餃子博物館"都好值得一去, 入面有好多間餃子店, 全部都係國內不同地區最有名既餃子店, 我諗是單幫襯一間都會好好味!!!

入面既裝修全部以舊式小店形式作設計, 有d似food court, 座位可以任座, order後有專人送到去俾你..

話明博物館 (雖然唔係好似), 但都有詳細介紹唔同種類既餃子, 連邊到出產, 餃子長度, 厚度都寫明!! 都幾得意~

鐘意食餃子既朋友一定要試試,, 因為真係好好味,, 外脆但肉汁好夠, 一d都唔乾!

我地就係揀左呢間包王,, 唔知係咪全場最好味,, 但見佢由03-07年都攞獎.. 應該都唔差掛?!

餃子博物館下兩層係Namco Land,, 食完餃子當然忍唔住要去夾下公仔,,可惜我一隻都夾唔到啊!!!!

一有大型商場, 除左衫/鞋/袋吸引我之外, 當然唔少得係底下層既超市,, 勁多唔同種類既蛋糕/朱古力/小食/炸物等,,, 真係有兩個胃都試唔晒啊!!

無得試, 唯有影下相"恨"下都好!!!

梅田區整日都係好熱鬧, 而且仲有好多食市任君選擇呢!!!

我地仲發現左原來日本人(尤其男人), 好鐘意放工後去d小型食店到企係到食燒物&飲酒吹水... 但大家要留意, 佢地係"企"係到,, 無位坐架!!!! 見到好多間小店都企滿晒人... 場面都幾得意~ 

但我同大少當時已經攰到斷腳, 當然絶對唔會揀呢d小店食野啦!

當晚係梅田區就揀左一間一律130YEN/碟既迴轉壽司作晚餐.....噢!! 超新鮮好味,, 又好抵食, 我同大少食到停唔到口呢!

唔飲酒既我,, 只會接受啖味既日本Beer,, 凍冰冰飲落去,, 好爽呢!

坐地鐵返酒店時, 我係地下街又忍唔住要食件cake...(其實當時好飽,, 但死都要食, 因為見到太多靚cake,,唔食返個點都唔甘心!!!)

行左大半日梅田, 拖住疲乏既身軀返酒店放低戰利品, 再倍大少去漫畫屋上網做野,, 之後半夜三點幾又去搵拉麵食... 今次呢間好味過金龍好多,, 大家有機會記得去試下!!

好鐘意佢既門面,, 好懷舊!!

入面既裝修一樣好有格調...

大少碗拉麵既蛋蛋好靚... 個心半生熟,, 超正呢!!

由朝食到晚... 超癲!! 個肚根本無一刻試過有肚餓既感覺~ 哈!!