Day 4 @ Osaka Universal Studio

Day 4 係最尾一日全日係大阪,, 當然唔少得要去Universal Studio朝聖下我好鐘意既芝麻街啦~!

噢,, 當日天氣唔算好好, 但又無落雨... 涼涼地都幾舒服! 而且當日原來少人得可憐,, 但心急既我係買飛時為免浪費時間, 就叫大少花多唔知幾多百蚊去買Fast pass..點知一張都用唔著! sigh~

我地無全部設施都玩齊, 主力shopping... 不過我覺得芝麻街4D影院, 蜘蛛俠4D探險影院 & 侏羅紀(坐船衝落黎個隻) 最好玩.. 其他都麻麻地!! 仲有一款過山車應該都算係最激既機動遊戲, 但我年紀大,,,已經唔係好想玩!!

入口有個360度不停轉既地標Universal Studio地球... 都幾得意!

唔講咁多, 自己睇啦.. 另外仲有好多相post唔晒,, 有興趣可以去相簿-Osaka 2008睇返!

噢..我至愛芝麻街,, 大少都話佢地得意啊!!

 

哈..忍唔住買左呢隻snoopy 水壺...第時裝水俾大少放係架車到飲! (我買野都有晒藉口, "懶"係有用咁!)

另外又買左呢個芝麻街爆谷筒,,, 超可愛,, 係一個喼款, 但好認真架, 除左個手柄位可以伸縮外, 仲有'碌' 拖架!! (呢個筒我將來又可以攞黎放野..哈!)

其實你問我環球片場好唔好玩,, 我覺得除非佢會不斷加入新元素, 否則,, 黎緊五六七年都唔洗再去,, 佢又唔似得迪迪尼咁真係充滿歡樂..因為始終氣份都係差少少... 但對於我呢D芝麻街迷黎講, 都好值得一去架!!!

其實鐘意芝麻街產品, 唔一定入片場先有,, 因為片場出面都有個商場,, 入面都有好多芝麻街等等產品賣,, 一樣好吸引... 有d款仲要係片場入面無架~

當日好悠閒咁玩到五點幾就返心齋橋Shopping 啦!!